В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
Яңалыклар
22.02.2026, 09:29
Узган тәүлектә Казанда 131 түбә кардан чистартылды
Бүгенге көнгә 1014 иңкү түбә чистартылган, бу гомуми күләмнең 49% ын тәшкил итә
Фото: Денис Гордийко
Казанда узган тәүлектә күпфатирлы йортларның 131 түбәсен кардан һәм боздан чистартканнар. Шәһәрдә барлыгы 2 090 иңкү түбә исәпләнә, шуларның 1 014е тәртипкә китерелгән – бу гомуми күләмнең 49% ы.
Иң күп эш Киров һәм Мәскәү районнарында теркәлгән – монда бер көндә 62 түбә чистартылган. Вахитов һәм Идел буе районнарында 37, Совет районында 20, Авиатөзелеш һәм Яңа Савин районнарында 12 түбә тәртипкә китерелгән.
Моның белән беррәттән, ишегалды территорияләрен җыештыру дәвам итә. Шәһәрдә барлыгы 4 177 ишегалды бар, 3 628е чистартылган – бу 87%. Бу эшкә 1358 урам чистартучы һәм 215 берәмлек техника җәлеп ителгән.
Исегезгә төшерәбез, Казан мэры Илсур Метшин эшлекле дүшәмбедә көчле кар явудан соң түбәләрне чистарту – төп бурыч, дип белдерде. Шәһәр башлыгы сүзләренчә, температура үзгәрү аркасында кар авырая һәм корылмалар өчен куркыныч тудыра. Шулай ук ул билгеләп үткәнчә, юлларда вәзгыять яхшыруга карамастан, ишегалларын җыештыру кирәклеге турында элеккечә үк күпсанлы шикаятьләр килә.
Шулай ук укыгыз
-
19.06.2023, 13:35 -
17.04.2023, 11:09 -
01.06.2022, 17:36 -
23.05.2022, 16:10