Узган тәүлектә Казанда 215 түбә кардан чистартылды

Бүгенге көнгә Татарстан Республикасы башкаласында 1695 иңкү түбә чистартылган, бу гомуми санның 81% ын тәшкил итә

Фото: Денис Гордийко

Татарстан башкаласында узган тәүлектә күпфатирлы йортларның 215 түбәсен кардан һәм боздан чистарттылар. Шәһәрдә барлыгы 2 мең 90 иңкү түбә исәпләнә, шуларның 1695е тәртипкә китерелгән. Эшләр 81% ка башкарылган.

Иң күп эш шәһәрнең Совет районында башкарылган, анда тәүлек эчендә 93 түбә чистартылган. Киров һәм Мәскәү районнарындагы күп фатирлы йортларның 50 түбәсен чистартканнар, ә Вахитов һәм Идел буе районнарында – 42. Авиатөзелеш һәм Яңа Савин районнарында тагын 30 иңкү түбә норматив хәлгә китерелгән.

Бу эшләр белән беррәттән Казанда ишегалларын чистарту дәвам итә. Узган тәүлектә кар чистартуда 230 берәмлек махсус техника һәм 1397 урам чистартучы эшләде. Ишегалды территорияләреннән 28 мең тоннадан артык кар күләме чыгарылган.

Барлыгы 4 мең 177 йортның 4 мең 66сы кардан чистартылган. Эшләр 97% ка башкарылган, дип хәбәр итә ТКХ комитетында.

Элегрәк хәбәр ителгәнчә, Казан гыйнвар ахырында һәм февральдә шәһәргә ишелгән кар яву нәтиҗәләрен бетерүне дәвам итә. Шәһәрнең Торак-коммуналь хуҗалыгы комитеты җитәкчесе сүзләренә караганда, торакчылар мөмкинлекләреннән чыгып эшлиләр. Көн саен кар чистартуга 1,4 меңләп урам җыештыручы һәм 500 сәнәгать альпинисты чыга.

Шулай ук укыгыз

Барлык яңалыклар