Узган тәүлектә Казан урамнарыннан 11 мең тоннадан артык кар чыгарылган

Көндез урамнарны кардан чистартуда 349 юл эшчесе һәм 290 берәмлек махсус техника катнашачак.

Фото: Казан шәһәре KZN.RU

(Казан шәһәре KZN.RU, 29-нчы декабрь). Бүген көндез Казанда урамнарны кардан чистартуга 349 юл эшчесе һәм 290 берәмлек махсус техника чыгачак, шул исәптән 60 катнаш юл машинасы, 67 трактор щеткасы, 74 үзбушаткыч, 34 фронталь төягеч, 30 «Барсик» минитөягече һәм башка төр техника.

Карны чыгару Айдаров, Батурин, Бауман, Богатырев, Болотников, Вахитов, Восстание, Габишев, Галиев, Голубятников, Груздев, Губкин, Даурия, Дубравная, Ипподром, Карбышев, Кремль, Курчатов, Латыш Укчылары, Лукин, Меридиан, Несмелов, Яңа Азино, Павлюхин, Париж Коммунасы, Сахаров, Сеченов, Совет, Фрунзе, Фучик, Сибгат Хәким, Халезов, Челюскин, Чистай, Шмидт урамнарыннан, шулай ук Горький шоссесыннан, Киров дамбасыннан, Себер трактыннан һәм башка территорияләрдән башкарылачак.

Узган тәүлектә шәһәр урамнарыннан 11,6 тоннадан артык кар чыгарылган, шәһәрне җыештыру эшенә 422 юл эшчесе һәм 615 махсус техника берәмлеге җәлеп ителгән, дип хәбәр иттеләр Тышкы төзекләндерү комитетында.

Шәһәр юлларында тәүлегенә 458 тонна бозлавыкка каршы материал, шул исәптән 126 тонна реагент һәм 332 тонна ком-тоз катнашмасы файдаланылган. Сезон башыннан бирле юл хезмәтләре 18,5 мең тоннадан артык бозлавыкка каршы катнашма кулланган.

Шулай ук укыгыз

Барлык яңалыклар