Ярты ел эчендә Казанда төзекләндерү кагыйдәләрен үтәмәүчеләргә 21,9 млн сумлык штраф салынган

2018 елның 6 ае эчендә Казанның Админкомиссияләре 68 млн сумнан артык штраф салган.

(Казан шәһәре KZN.RU, 3-нче июль). 2018 елның беренче ярты еллыгында Казанның Административ комиссияләре административ хокук бозулар турында 24101 карар чыгарган. Хокук бозучыларга 68 млн 221 мең 700 сум штраф салынган.

Иң күп карар ТР Административ хокук бозулар турындагы кодексның 3.16 маддәсе (“Муниципаль парковкада (парковка урыннарында) транспорт чараларын урнаштыру өчен түләмәү”) буенча чыгарылган – 8941, 21 млн 645 меңлек штраф салынган.

“Авыл җирлекләре һәм шәһәр округлары территорияләрен төзекләндерүнең муниципаль кагыйдәләрен бозу” (ТР Административ хокук бозулар турындагы кодексның 3.6 маддәсе) өчен 2843 карар чыгарылган һәм 21 млн 920 мең 100 сумлык штраф салынган.

3834 материал “Урамда сәүдә итүне оештыру тәртипләрен бозу” турындагы 3.2 маддә буенча салынган штрафлар саны 7 млн 606 мең 100 сум тәшкил итә. Тышкы мәгълүмат урнаштыру тәртипләрен бозу өчен (3.5 маддә) 1 млн 873 мең 500 сумлык 2260 карар чыгарылган.

“Җирле үзидарә органнарының муниципаль хокукый актларын үтәмәү” турындагы 2.6 маддәсе буенча 355 карар чыгарылган. Штрафлар суммасы 2 млн 733 мең сум тәшкил иткән.

Шулай ук укыгыз

Барлык яңалыклар