Ярты ел эчендә 60 мең казанлы шәһәр сырхауханәләрендә диспансерлаштыру узды

Онкологик авыруларның 70% ка якынын табиблар иртә стадияләрдә ачыклый алган.

Фото: Марат Мөгыйнов

(Казан шәһәре KZN.RU, 12 нче август). Ярты ел эчендә Казанның 60 мең кешесе шәһәр сырхауханәләрендә диспансерлаштыру узды. Бу вакыт эчендә табиблар 3 меңгә якын йөрәк-кан тамырлары авыруларына һәм яман шешнең 150 гә якын очрагына диагноз куйган.

Онкологик авыруларның 70% ка якынын табиблар беренче-икенче стадияләрдә ачыклый алганнар. Яман шешне беренче стадияләрдә ачыклаган очракта пациентны дәвалап чыгу мөмкинлеге 85-90% тәшкил итә, дип хәбәр итә ТР Сәламәтлек саклау министрлыгының Казан буенча Сәламәтлек саклау идарәсенең матбугат хезмәте.

Казанлылар үз сәламәтлекләрен дүшәмбедән шимбәгә кадәр яшәү урыны буенча сырхауханәләрдә тикшерә ала.

Шулай ук укыгыз

Барлык яңалыклар