2018 елның беренче кварталы эчендә Казанның Админкомиссиясе 24,6 млн сумга штраф салган

Төзекләндерү кагыйдәләрен бозучыларга 10 млн сумнан артык штраф салынган.

(Казан шәһәре KZN.RU, 3-нче апрель). 2018 елның беренче кварталы эчендә Казанның Административ комиссияләре административ хокук бозулар турында 7989 кара чыгарган. Хокук бозучыларга 24 млн 647 мең 800 сум күләмендә штраф салынган.

8 млн 487 мең 500 сумлык 3487 карар ТР Административ хокук бозулар турындагы кодексның 3.16 маддәсе буенча, ягъни “Транспорт чараларын түләүле муниципаль парковкада (парковка урыннарында) калдырган өчен түләмәү” өчен чыгарылган.

“Авыл һәм шәһәр округлары территорияләрен төзекләндерү кагыйдәләрен бозу” өчен (ТР Административ хокук бозулар турындагы кодексның 3.6 маддәсе) 1517 карар чыгарылган һәм 10 млн 131 мең сумлык штраф салынган.

1726 материал 3.2 маддәсе буенча “Урамда сәүдә итү тәртибен бозу” өчен төзелгән, салынган штрафларның суммасы 3 млн 439 мең сумнан артык. Тышкы мәгълүмат чараларын урнаштыру тәртипләрен бозу (ТР Административ хокук бозулар турындагы кодексның 3.5 маддәсе) өчен 1 млн 175 мең сумлык 1149 карар чыгарылган.

ТР Административ хокук бозулар турындагы кодексның 2.6 маддәсе буенча “Җирле үзидарә органнарының муниципаль хокукый актларын үтәмәү” өчен 110 карар чыгарылган. Салынган штрафларның суммасы – 1 млн 414 мең 500 сум.

Шулай ук укыгыз

Барлык яңалыклар