Яңалыклар
13.09.2022, 11:04
Бер көн эчендә 339 казанлы метро станцияләре янында коронавирустан прививка ясаткан
ТР башкаласында яшәүче 431 кеше гриппка каршы вакцинацияләнгән.
Фото: Марат Мөгыйнов
(Казан шәһәре KZN.RU, 13 нче сентябрь). Казан метрополитены станцияләре янындагы вакцинациянең мобиль пунктларының беренче эш көнендә 339 кеше коронавирустан прививка ясаткан.
Шулай ук медицина хезмәткәрләре грипптан 431 казанлыга прививка ясадылар, дип хәбәр иттеләр ТР Сәламәтлек саклау министрлыгы Казан буенча Сәламәтлек саклау идарәсендә.
Исегезгә төшерәбез, вакцинациянең мобиль пунктлары «Җиңү Проспекты», «Кәҗә бистәсе», «Яшьлек» һәм «Авиатөзелеш» станцияләре янында эшли. COVID-19 һәм грипптан көн саен 8:00 дән 19:00 гә кадәр прививка ясарга була, тәнәфес – 13:00 дән 14:00 гә кадәр.
Моннан тыш, вакцинация яшәү урыны буенча сырхауханәләрдә һәм «Южный» сәүдә үзәгендәге мобиль пунктта уздырыла. Ә Чуйков урамы, 54 адресы буенча урнашкан 7 нче номерлы шәһәр клиник хастаханәсендә (3 нче терминал) процедураны төнлә, 20:00 дән 7:30 га кадәр үткәрәләр.
Сентябрь башында ТР башкаласында яшәүчеләрнең интраназаль ысул белән, ягъни борынга сиптерү юлы белән вакцинацияләнү мөмкинлеге бар. Мондый ысулны олыларга кабат прививка ясаганда кулланырга киңәш ителә.
Шулай ук укыгыз
-
30.04.2025, 15:45 -
30.04.2025, 14:03 -
30.04.2025, 09:14 -
29.04.2025, 17:56
