Атна эчендә Казанның ашыгыч ярдәм хезмәтенә 7440 мең чакыру килгән

5640 чакыру төрле авырулар сәбәпле килгән, 1156 тапкыр медикларны бәхетсезлек очракларына чакырганнар, 26 тапкыр – янгыннарга.

(Казан шәһәре KZN.RU, 3-нче сентябрь). 27-нче августтан 2-нче сентябрьгә кадәрге атнада Казанның ашыгыч ярдәм хезмәтенә 7440 чакыру килгән, 1527 очрагы җәмәгать урыннарына бару белән бәйле.

Төрле авырулар сәбәпле ашыгыч ярдәмгә 5640 казанлы мөрәҗәгать иткән. Аерым алганда, көчле миокард инфаркты буенча 46 очрак һәм мидәге кан әйләнеше бозылу буенча 187 очрак теркәлгән. Бала табу очраклары уңаеннан табибларга 85 чакыру килгән.

1156 чакыру бәхетсезлек очраклары белән бәйле. Юл-транспорт вакыйгалары белән бәйле очракларга 65 тапкыр чакыртылганнар, аларда 60 кеше зыян күргән, 30 кеше хастаханәгә озатылган, 2 кеше һәлак булган. Янгын очракларына табиблар 26 тапкыр чакыртылган, биредә бер кем дә зыян күрмәгән.

Узган атна белән чагыштырганда, чакырулар саны 226-га арткан. Бу аврулар саны һәм бәхетсезлек очраклары арту белән бәйле. Юл-транспорт һәлакәтләренә (26-га) медикларны чакыру саны арткан. Янганнарга (1-гә), миокард инфарктына (1-гә), мидәге кан әйләнеше бозылуга (1-гә), бала табу очракларына (2-гә) чакырулар саны кимегән. Җәмәгать урыннарына чакырулар саны 124-кә арткан, дип хәбәр итә “Казанның ашыгыч медицина ярдәме станциясе” дәүләт автоном сәламәтлек саклау учреждениесе.

Шулай ук укыгыз

Барлык яңалыклар