Бер атна эчендә Казанның ашыгыч ярдәм хезмәте якынча 8,2 мең чакыру үтәгән

Табиблар бала табу очракларына 70 тапкыр чыккан.

Фото: Денис Гордийко

(Казан шәһәре KZN.RU, 3-нче гыйнвар). Узган атна эчендә, 27-нче декабрьдән 2-нче гыйнварга кадәр, Казанның ашыгыч медицина ярдәме 8180 чакыру үтәгән, шул исәптән 1194 тапкыр – җәмәгать урыннарына.

Иң күп чакырулар, 7094, төрле авырулар сәбәпле башкарылган. Шулардан 136 урынга чыгу баш мие кан әйләнешенең кискен бозылулары сәбәпле булган, ә 43 очрак – миокард инфаркты. Бала табу очракларына табиблар 70 тапкыр чыккан.

Бәхетсезлек очракларына табибларны 1016 тапкыр чакыртканнар, шул исәптән 51 шалтырату юл-транспорт һәлакәте урыннарыннан кергән. Аварияләрдә 44 кеше зыян күргән, дәвалау учреждениеләренә 30 зыян күрүчене китергәннәр. Янгын очракларына табиблар 13 тапкыр чакыртылган, аларда зыян күрүчеләр булмаган, дип хәбәр итә «Казанның ашыгыч медицина ярдәме станциясе» дәүләт автоном сәламәтлек саклау учреждениесе.

Алдарак яңа ел каникулларында сәламәтлек саклау оешмаларының эш графигы билгеле булды. 31-нче декабрьдән 9-нчы гыйнварга кадәр шәһәрнең стационарлары, бала тудыру йортлары һәм гинекология стационарлары тәүлек буе кабул итәчәк, ә пациентларны хастаханәгә салу, авыруның профиленә карап, территориаль принцип буенча башкарылачак.

Шулай ук укыгыз

Барлык яңалыклар