В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
Яңалыклар
03.06.2019, 14:15
Атна дәвамында Казанның ашыгыч ярдәме 7,1 меңнән артык чакыру үтәгән
Бала табу очрагына табиблар 77 тапкыр чыкканнар.
(Казан шәһәре KZN.RU, 3-нче июнь). Узган атна эчендә, 27-нче майдан 2-нче июньгә кадәр, Казанның ашыгыч медицина ярдәме 7121 чакыру үтәгән, шул исәптән 1528 чакыру – җәмәгать урыннарына.
Иң күп чакырулар, 5285, төрле авырулар буенча башкарылган. Шуларның 173-енә баш мие кан әйләнешенең кискен бозылулары, ә 52 чыгышка – көчле миокард инфарктлары сәбәп булган. Бала табуга табиблар 77 тапкыр чыкканнар.
Табиблар бәхетсезлек очраклары буенча 1088 шалтырату алган, шуларның 55-е юл-транспорт һәлакәте урыннарыннан килгән. Аварияләрдә 56 кеше зыян күргән, шулардан 27-се хастаханәләргә озатылган, икесе һәлак булган. Моннан тыш, 24 чакыруны ашыгыч ярдәм янгын чыгу урыннарына үтәгән, аларда дүрт кеше зыян күргән, дип хәбәр итә «Ашыгыч медицина ярдәме станциясе» дәүләт автоном сәламәтлекне саклау оешмасы.
Шулай ук укыгыз
-
19.09.2025, 09:45 -
18.09.2025, 18:09 -
18.09.2025, 16:46 -
18.09.2025, 16:07