В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
Яңалыклар
27.04.2020, 13:53
Бер атна эчендә Казанның ашыгыч ярдәме 6 меңнән артык чакыру үтәгән
Табибларны җәмәгать урыннарына 682 тапкыр чакырганнар.
(Казан шәһәре KZN.RU, 27-нче апрель). Узган атнада, 20-сеннән 26-нчы апрельгә кадәр, Казанның ашыгыч медицина ярдәме 6027 чакыру үтәгән, шул исәптән 682 чакыру җәмәгать урыннарына.
Иң күп чакыру, 5333, төрле авырулар буенча башкарылган. Алардан 162 чакыруга - баш миенең кан әйләнеше бозылу, ә 36 чыгуга - кискен миокард инфарктлары сәбәп булды. Бала табу очракларына табиблар 78 тапкыр чыктылар.
Бәхетсезлек очракларына табиблар 588 тапкыр чакыртылган, шуларның 28-е юл-транспорт һәлакәте урыннарыннан килгән. Аварияләрдә 29 кеше зыян күргән, дәвалау учреждениеләренә 14 зыян күрүчене китергәннәр, бер кеше һәлак булган. Моннан тыш, ашыгыч ярдәм 17 чакыруны янгын урыннарына үтәде, дип хәбәр иттеләр Казанның «Ашыгыч медицина ярдәме станциясе» дәүләт автоном сәламәтлек саклау оешмасында.
Шулай ук укыгыз
-
19.06.2025, 13:45 -
19.06.2025, 10:47 -
19.06.2025, 09:07 -
18.06.2025, 15:34