Атна эчендә Казанның ашыгыч ярдәм хезмәтен җәмәгать урыннарына 1864 тапкыр чакыртканнар

18 июньнән 24 июньгә кадәрге атнада ашыгыч ярдәм хезмәтенә 7192 чакыру килгән.

(Казан шәһәре KZN.RU, 25-нче июнь). 18-нче июньнән 24-нче июньгә кадәрге атнада Казанның ашыгыч ярдәм хезмәтенә 7192 чакыру килгән, 1864 очрагы җәмәгать урыннарына бару белән бәйле.

Төрле авырулар сәбәпле ашыгыч ярдәмгә 5418 казанлы мөрәҗәгать иткән. Аерым алганда, көчле миокард инфаркты буенча 52 очрак һәм мидәге кан әйләнеше бозылу буенча 189 очрак теркәлгән. Бала табу очраклары уңаеннан табибларга 118 чакыру килгән.

1040 чакыру бәхетсезлек очраклары белән бәйле. Юл-транспорт вакыйгалары белән бәйле очракларга 31 тапкыр чакыртылганнар, аларда 38 кеше зыян күргән, 16 кеше хастаханәгә озатылган, бер кеше үлгән. Янгын очракларына табиблар 19 тапкыр чакыртылган, биредә бер кеше дә зыян күрмәгән.

Узган атна белән чагыштырганда, авырулар саны 8-гә, юл-транспорт һәлакәтләре 9-га кимегән. Янгыннарга (2), миокард инфарктына (4), бала табу очракларына (32), мидәге кан әйләнеше бозылу очракларына (1) чакырулар саны арткан. Җәмәгать урыннарына чакыртулар саны 419-га арткан, дип хәбәр итә “Казанның ашыгыч медицина ярдәме станциясе” дәүләт автоном сәламәтлек саклау учреждениесе.

Шулай ук укыгыз

Барлык яңалыклар