Атнада эчендә җәмәгать урыннарыннан ашыгыч ярдәм хезмәтенә 1220 чакыру килгән

12 февральдән 18 февральгә кадәрге атнада Казанның ашыгыч ярдәм хезмәтенә 8,5 меңгә якын чакыру килгән

(Казан шәһәре KZN.RU, 19-нчы февраль). 12-нч февральдән 18-нче февральгә кадәрге атнада Казанның ашыгыч ярдәм хезмәтенә 8492 чакыру килгән, 1220 очрагы җәмәгать урыннарына бару белән бәйле.

Төрле авырулар сәбәпле ашыгыч ярдәмгә 6730 казанлы мөрәҗәгать иткән. Аерым алганда, көчле миокард инфаркты буенча 73 очрак һәм мидәге кан әйләнеше бозылу буенча 200 очрак теркәлгән. Бала табу очраклары уңаеннан табибларга 82 чакыру килгән.

1059 чакыру бәхетсезлек очраклары белән бәйле. Юл-транспорт вакыйгалары белән бәйле очракларга 34 тапкыр чакыртылганнар, аларда 31 кеше зыян күргән, 24 кеше хастаханәгә озатылган. Янгын очракларына табиблар 21 тапкыр чакыртылган, биредә 2 кеше зыян күргән, дип хәбәр итә “Казанның ашыгыч медицина ярдәме станциясе” дәүләт автоном сәламәтлек саклау учреждениесе.

Шулай ук укыгыз

Барлык яңалыклар