Атна дәвамында Казанның ашыгыч ярдәме 59 тапкыр бала табу очрагына чыкты

10-нчы июньнән 16-нчы июньгә кадәр табиблар 7,6 меңнән артык чакыру буенча хезмәт күрсәттеләр.

(Казан шәһәре KZN.RU, 17-нче июнь). Узган атнада, 10-нчы июньнән 16-нчы июньгә кадәр, Казанның Ашыгыч медицина ярдәме 7656 чакыру үтәгән, шул исәптән 1214 чакыру – җәмәгать урыннарына.

Иң күп чакырулар, 5349, төрле авырулар буенча башкарылган. Шулардан 175 чакыруга баш мие кан әйләнешенең кискен бозылулары сәбәп булган, ә 58 чыгышка – көчле миокард инфарктлары. Бала табу очракларына табиблар 59 тапкыр чыкканнар.

Табиблар бәхетсезлек очраклары буенча 976 шалтырату алганнар, шуларның 50-се юл-транспорт һәлакәте урыннарыннан килгән. Аварияләрдә 54 кеше зыян күргән, хастаханәләргә 38 кеше китерелгән. Моннан тыш, ашыгыч ярдәм 23 чакыруны янгын чыгу урыннарына үтәгән, аларда бер кеше зыян күргән, дип хәбәр итә «Ашыгыч медицина ярдәме станциясе» дәүләт автоном сәламәтлек саклау учреждениесе.

Шулай ук укыгыз

Барлык яңалыклар