В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
Табиблар барлыгы 7707 чакыру үтәгән.
Фото: Казан шәһәре KZN.RU
(Казан шәһәре KZN.RU, 16-нчы июнь). Узган атнада, 7-нче июньнән 13-нче июньгә кадәр, Казанның ашыгыч медицина ярдәме 7707 чакыру үтәгән, шул исәптән 1462 – җәмәгать урыннарына.
Иң күп чакыру, 6702, төрле авырулар буенча башкарылган. Шулардан 194 урынга баш мие кан әйләнешенең кискен бозылулары сәбәп булган, ә 46 урынга – көчле миокард инфарктлары. Бала табу очракларына табиблар 73 тапкыр чыккан.
Бәхетсезлек очракларына медикларны 932 тапкыр чакыртканнар, шул исәптән 55 шалтырату юл-транспорт һәлакәте урыныннан килгән. Аварияләрдә 60 кеше зыян күргән, дәвалау учреждениеләренә 44 зыян күрүчене китергәннәр, бер кеше үлгән. Моннан тыш, 16 ашыгыч ярдәм чакыруын янгын урыннары буенча үтәгән, анда өч кеше зыян күргән, дип хәбәр иттеләр Казанның «Ашыгыч медицина ярдәме станциясе» дәүләт автоном сәламәтлек саклау учреждениесендә.