Атна эчендә Казанның ашыгыч ярдәм хезмәтен җәмәгать урыннарына 1363 тапкыр чакыртканнар

Атна эчендә Казанның ашыгыч ярдәм хезмәтен җәмәгать урыннарына 1363 тапкыр чакыртканнар

<p> (Казан шәһәре KZN.RU, 17-нче сентябрь). Узган атнада, 10 сентябрьдән 16 сенятбрьгә кадәр, Казанның ашыгыч ярдәм хезмәтенә 7377 чакыру килгән, аларның 1363 очрагы җәмәгать урыннарына бару белән бәйле.<br> </p> <p> Төрле авырулар сәбәпле ашыгыч ярдәмгә 5628 казанлы мөрәҗәгать иткән. Аерым алганда, көчле миокард инфаркты буенча 42 очрак һәм мидәге кан әйләнеше бозылу буенча 188 очрак теркәлгән. Бала табу очраклары уңаеннан табибларга 87 чакыру килгән. </p> <p> 1052 чакыру бәхетсезлек очраклары белән бәйле. Юл-транспорт вакыйгалары белән бәйле очракларга 41 тапкыр чакыртылганнар, аларда 45 кеше зыян күргән, 21 кеше хастаханәгә озатылган, 4 кеше һәлак булган. Янгын очракларына табиблар 17 тапкыр чакыртылган, биредә 1 кеше зыян күргән. </p> <p> Узган атна белән чагыштырганда, чакырулар саны 68-гә арткан. Бу авырулар саны, бәхетсезлек очраклары һәм бала табу очракларына чакырулар саны арту белән бәйле. Бала табу очракларына чакырулар саны 18-гә арткан. Чакырулар саны кимегән: юл-транспорт һәлакәтләре – 3-кә, янгыннар – 10-га, миокард инфаркты – 6-га, мидәге кан әйләнеше бозылу – 11-гә. Җәмәгать урыннарына чакырулар саны 15-кә арткан, дип хәбәр итә “Казанның ашыгыч медицина ярдәме станциясе” дәүләт автоном сәламәтлек саклау учреждениесе. </p>

2018-09-17T10:37:52+0300