Атна эчендә Казанның ашыгыч ярдәм хезмәте җәмәгать урыннарына 1202 тапкыр чакыртылганнар

Барлыгы медикларга 8337 чакыру килгән.

(Казан шәһәре KZN.RU, 19-нчы ноябрь). 12-нче ноябрьдән 18-нче ноябрьгә кадәрге атнада Казанның ашыгыч ярдәм хезмәтенә 8337 чакыру килгән, шуларның 1202 очрагы җәмәгать урыннарына бару белән бәйле.

Төрле авырулар сәбәпле ашыгыч ярдәмгә 6501 казанлы мөрәҗәгать иткән. Аерым алганда, көчле миокард инфаркты буенча 63 очрак һәм мидәге кан әйләнеше бозылу буенча 161 очрак теркәлгән. Бала табу очраклары уңаеннан табибларга 71 чакыру килгән.

918 чакыру бәхетсезлек очраклары белән бәйле. Юл-транспорт вакыйгалары белән бәйле очракларга 35 тапкыр чакыртылганнар, аларда 39 кеше зыян күргән, 22 кеше хастаханәгә озатылган. Янгын очракларына табиблар 19 тапкыр чакыртылган, биредә 3 кеше зыян күргән.

Узган атнада чакырулар саны 745-кә арткан. Бала табу очраклары белән бәйле рәвештә чакырулар саны 9-га арткан, янгыннарга чакырулар саны – 4-кә, миокард инфарктына – 3-кә, мидәге кан әйләнешенә 2-гә арткан. Шул ук вакытта юл-транспорт һәлакәте бнлә бәйле чакырулар 5-кә кимегән. Җәмәгать урыннарына чакырулар саны 134-кә арткан, дип хәбәр итә “Казанның ашыгыч медицина ярдәме станциясе” дәүләт автоном сәламәтлек саклау учреждениесе.

Шулай ук укыгыз

Барлык яңалыклар