Атна эчендә Казанның ашыгыч ярдәм хезмәтен бәхетсезлек очракларына 1008 тапкыр чакыртканнар

Медикларга барлыгы 7287 чакыру килгән.

(Казан шәһәре KZN.RU, 21-нче май). 14-нче майдан 20-нче майга кадәрге атнада Казанның ашыгыч ярдәм хезмәтенә 7287 чакыру килгән, 1484 очрагы җәмәгать урыннарына бару белән бәйле.

Төрле авырулар сәбәпле ашыгыч ярдәмгә 5608 казанлы мөрәҗәгать иткән. Аерым алганда, көчле миокард инфаркты буенча 65 очрак һәм мидәге кан әйләнеше бозылу буенча 183 очрак теркәлгән. Бала табу очраклары уңаеннан табибларга 78 чакыру килгән.

1008 чакыру бәхетсезлек очраклары белән бәйле. Юл-транспорт вакыйгалары белән бәйле очракларга 42 тапкыр чакыртылганнар, аларда 42 кеше зыян күргән, 33 кеше хастаханәгә озатылган, 1 кеше үлгән. Янгын очракларына табиблар 22 тапкыр чакыртылган, биредә 2 кеше зыян күргән.

Узган атна белән чагыштырганда, ашыгыч ярдәмне 166 тапкыр кимрәк чакыртканнар. Бу кимү төрле авырулар, бәхетсезлек һәм бала табу очраклары кимү белән бәйле. Юл-транспорт һәлакәтенә чакыртулар саны 5-кә кимегән, янгыннарга чакыртулар – 2-гә, бала табуга – 8-гә. Ашыгыч ярдәм хезмәтенә түбәндәге сәбәпләр буенча ешрак мөрәҗәгать иткәннәр: миокард инфаркты – 16-га, мидәге кан әйләнеше бозылу – 3-кә. Җәмәгать урыннарына чакыртулар саны 160-ка арткан, дип хәбәр итә “Казанның ашыгыч медицина ярдәме станциясе” дәүләт автоном сәламәтлек саклау учреждениесе.

Шулай ук укыгыз

Барлык яңалыклар