В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
Яңалыклар
30.03.2020, 12:26
Бер атна эчендә Казанның ашыгыч медицина ярдәме 7 меңнән артык чакыру үтәде
Бәхетсезлек очракларына табибларны 734 тапкыр чакыртканнар.
(Казан шәһәре KZN.RU, 30-нчы март). Узган атнада, 23 - 29-нчы мартта, Казанның ашыгыч медицина ярдәме 7295 чакыру үтәде, шул исәптән 970 чакыру - җәмәгать урыннарына.
Иң күп чакырулар, 5824, төрле авырулар буенча башкарылган. Алардан 154 чыгуга баш миенең кан әйләнеше бозылуы, ә 52 чакыруга кискен миокард инфарктлары сәбәп булган. Бала табу очракларына табиблар 67 тапкыр чыкканнар.
Бәхетсезлек очракларына табибларны 734 тапкыр чакыртканнар, шуларның 34-е юл-транспорт һәлакәте урыннарыннан килгән. Аварияләрдә 23 кеше зыян күргән, дәвалау учреждениеләренә 12 зыян күрүчене китергәннәр, 2 кеше һәлак булган. Моннан тыш, ашыгыч ярдәм 15 чакыруны янгын урыннарына үтәгән, дип хәбәр иттеләр Казанның «Ашыгыч медицина ярдәме станциясе» дәүләт автоном сәламәтлек саклау оешмасында.
Шулай ук укыгыз
-
28.07.2025, 16:04 -
28.07.2025, 15:10 -
28.07.2025, 14:23 -
28.07.2025, 13:17