Атна эчендә Казанның ашыгыч ярдәм хезмәтенә 7623 чакыру килгән

Атна эчендә Казанның ашыгыч ярдәм хезмәтенә 7623 чакыру килгән

<p> (Казан шәһәре KZN.RU, 24-нче сентябрь). 17-нче сентябрьдән 23-нче сентябрьгә кадәрге атнада Казанның ашыгыч ярдәм хезмәтенә 7623 чакыру килгән, 1405 очрагы җәмәгать урыннарына бару белән бәйле.<br> </p> <p> Төрле авырулар сәбәпле ашыгыч ярдәмгә 5837 казанлы мөрәҗәгать иткән. Аерым алганда, көчле миокард инфаркты буенча 55 очрак һәм мидәге кан әйләнеше бозылу буенча 198 очрак теркәлгән. Бала табу очраклары уңаеннан табибларга 98 чакыру килгән. </p> <p> 1045 чакыру бәхетсезлек очраклары белән бәйле. Юл-транспорт вакыйгалары белән бәйле очракларга 52 тапкыр чакыртылганнар, аларда 51 кеше зыян күргән, 29 кеше хастаханәгә озатылган, өч кеше һәлак булган. Янгын очракларына табиблар 14 тапкыр чакыртылган, биредә беркем дә зыян күрмәгән. </p> <p> Узган атна белән чагыштырганда, чакырулар саны 246-га арткан. Юл-транспорт һәлакәтенә чакырулар саны 11-гә арткан, миокард инфарктына – 9-га, мидәге кан әйләнеше бозылу очракларына – 10-га, бала табу очракларына – 11-гә. Янгыннарга чакырулар саны 3-кә кимегән. Җәмәгать урыннарына чакырулар саны 42-гә арткан, дип хәбәр итә “Казанның ашыгыч медицина ярдәме станциясе” дәүләт автоном сәламәтлек саклау учреждениесе. </p>

2018-09-24T10:42:32+0300