Атна эчендә Казанның ашыгыч ярдәм хезмәтенә 6736 чакыру килгән

Шалтыратуларның күбесе төрле авырулар сәбәпле килгән.

(Казан шәһәре KZN.RU, 16-нчы июль). 9-нчы июльдән 15-нче июльгә кадәрге атнада Казанның ашыгыч ярдәм хезмәтенә 6736 чакыру килгән, аларның 1521 очрагы җәмәгать урыннарына бару белән бәйле.

Төрле авырулар сәбәпле ашыгыч ярдәмгә 4922 казанлы мөрәҗәгать иткән. Аерым алганда, көчле миокард инфаркты буенча 45 очрак һәм мидәге кан әйләнеше бозылу буенча 175 очрак теркәлгән. Бала табу очраклары уңаеннан табибларга 72 чакыру килгән.

1113 чакыру бәхетсезлек очраклары белән бәйле. Юл-транспорт һәлакәтләре белән бәйле очракларга 41 тапкыр чакыртылганнар, аларда 46 кеше зыян күргән, 29 кеше хастаханәгә озатылган, бер кеше һәлак булган. Янгын очракларына табиблар 14 тапкыр чакыртылган, биредә 2 кеше зыян күргән.

Узган атна белән чагыштырганда, чакырулар саны авырулар, бәхетсезлек очраклары һәм бала табулар хисабына 224-кә кимегән. Юл-транспорт һәлакәте буенча чакырулар саны 11-гә кимегән, янгыннар – 11-гә, бала табу – 2-гә, мидәге кан әйләнеше бозылу – 4-кә, миокард инфаркты 2-гә. Җәмәгать урыннарына чакырулар саны 168-гә кимегән, дип хәбәр итә “Казанның ашыгыч медицина ярдәме станциясе” дәүләт автоном сәламәтлек саклау учреждениесе.

Шулай ук укыгыз

Барлык яңалыклар