Бер атна эчендә Зур Казан боҗрасында 17 яңгыр сулары коесы ясалды

Төзелештә 68 белгеч һәм 15 берәмлек техника эшли.

(Казан шәһәре KZN.RU, 30-нчы март). Казанда Мидхәт Булатов урамыннан Борисково урамына кадәрге участокта Зур Казан боҗрасының беренче этабын төзү дәвам итә. Узган атнада участоктан 7 мең кубометр туфрак чыгарылган, җир катламының 700 кв.м юл чите сөзәклекләренә планировка ясалган, шулай ук 17 яңгыр сулары коесы төзелгән.

Эшчеләр форма ясаучы элементлар җыюны, опалубкалар монтажлауны һәм уң юл үткәргеченең уемлы төзелешенең ныклыгын арттыруны дәвам итәләр. Тоташтырылган арматураны монтажлау эшләре башланган.

Җәяүлеләр кичүендә ныклыкны арттыру, опалубкалар монтажы һәм конструкцияләрне бетонлау эшләре алып барыла. Бүгенге көндә баскычтан төшү урынының ике баганасы бетонланган. Хәзерге вакытта уемлы төзелешне эреләтеп җыю дәвам итә, шулай ук яңгыр сулары канализациясен салу һәм уң һәм сул съездлар буйлап коелар төзү эшләре алып барыла.

Төзелештә инженер-техник персоналдан 68 кеше һәм 15 берәмлек техника эшли, дип хәбәр итә ТР Транспорт һәм юл хуҗалыгы министрлыгы матбугат хезмәте.

Исегезгә төшерәбез, Зур Казан боҗрасы төзелеше «Имин һәм сыйфатлы автомобиль юллары» илкүләм проекты буенча алып барыла. Дүрт полосалы юл (һәр юнәлештә икешәр полоса) беренче класслы гомумшәһәр әһәмиятендәге магистраль урам категориясенә туры киләчәк. Каршы хәрәкәт полосалары арасында ике трамвай юлы өчен 9,5 м киңлектәге аергыч полоса төзеләчәк, ә тротуарның киңлеге 2-дән 4,5 метрга кадәр тәшкил итәчәк. Ферма шоссесы өстендә беренче этап кысаларында 110 метрга якын озынлык һәм 36 метр киңлектәге транспорт хәрәкәтенең 4 полосасы белән юлүткәргеч төзеләчәк.

Моннан тыш, Борисково урамыннан Техника урамына кадәрге участокта Зур Казан боҗрасының икенче этабы төзелә башлады. Участокның озынлыгы 1,22 чакрым тәшкил итә.

Шулай ук укыгыз

Барлык яңалыклар