Атна эчендә Казанның ашыгыч ярдәм хезмәтен бала табу очракларына 97 тапкыр чакырганнар

21 майдан 27 майга кадәрге атнада ашыгыч ярдәм хезмәте 6937 тапкыр чакыртылган.

(Казан шәһәре KZN.RU, 28-нче май). 21-нче майдан 27-нче майга кадәрге атнада Казанның ашыгыч ярдәм хезмәтенә 6937 чакыру килгән, шуларның 1398 очрагы җәмәгать урыннарына бару белән бәйле.

Төрле авырулар сәбәпле ашыгыч ярдәмгә 5233 казанлы мөрәҗәгать иткән. Аерым алганда, көчле миокард инфаркты буенча 62 очрак һәм мидәге кан әйләнеше бозылу буенча 173 очрак теркәлгән. Бала табу очраклары уңаеннан табибларга 97 чакыру килгән.

993 чакыру бәхетсезлек очраклары белән бәйле. Юл-транспорт вакыйгалары белән бәйле очракларга 39 тапкыр чакыртылганнар, аларда 46 кеше зыян күргән, 25 кеше хастаханәгә озатылган. Янгын очракларына табиблар 21 тапкыр чакыртылган, биредә 4 кеше зыян күргән.

Алдагы атна белән чагыштырганда, чакыртулар саны авырулар һәм бәхетсезлек очраклары кимү исәбенә 350-гә кимегән. Чакыртулар саны кимегән: юл-транспорт һәлакәте – 3-кә, янгыннар – 1-гә, миокард инфаркты – 3-кә, мидәге кан әйләнеше бозылу – 10-га. Чакыртулар саны арткан: бала табу очраклары – 19-га. Җәмәгать урыннарына чакыртулар саны 86-га кимегән.

Шулай ук укыгыз

Барлык яңалыклар