Бер атна эчендә 240 казанлы бозлавык булу сәбәпле травмпунктларга мөрәҗәгать иткән – бу кыш өчен уртача күрсәткеч

Бер атна эчендә 240 казанлы бозлавык булу сәбәпле травмпунктларга мөрәҗәгать иткән – бу кыш өчен уртача күрсәткеч

<p> Бер атна эчендә, 23-29 гыйнвар көннәрендә, Казанның травмпунктларына һәм дежур клиникаларына бозлавык булу сәбәпле алынган урам җәрәхәтләре белән 240 кеше мөрәҗәгать иткән. 115 пациентның сынган урыннары, ә 125 пациентның имгәнүләре ачыкланган. Казанның сәламәтлек саклау идарәсеннән хәбәр итүләренчә, бу – кыш өчен уртача күрсәткеч. Шәһәр халкының, егылып, ешрак өске очлыклары, кабыргалары, балтыр-аяк буыннары сынган. </p> <p> ТР башкаласында график буенча эшләүче җиде травмпунктка мөрәҗәгать итәргә мөмкин: </p> <p> <b>Исаев ур., 5</b> </p> <p> эш көннәрендә – 8:00 сәгатьтән 19:30 сәгатькә кадәр </p> <p> шимбә – 8:00 сәгатьтән 13:30 сәгатькә кадәр </p> <p> калган вакытта пациентларны Адоратский урамындагы травмпунктта һәм 12 нче шәһәр клиник хастаханәсендә кабул итәләр </p> <p> <b>Можайский ур., 17</b> </p> <p> Эш көннәрендә – 8:00 сәгатьтән 19:30 сәгатькә кадәр  </p> <p> шимбә – 8:00 сәгатьтән 17:30 сәгатькә кадәр </p> <p> калган вакытта пациентларны 12 нче шәһәр клиник хастаханәсендә кабул итәләр </p> <p> <b>Адоратский ур., 30а</b> </p> <p> Тәүлек буе </p> <p> <b>Мәүлүтев ур., 2</b> </p> <p> Тәүлек буе </p> <p> <b>Рыбацкая ур., 2</b> </p> <p> Дүшәмбедән шимбәгә кадәр – 8:00 сәгатьтән 17:30 сәгатькә кадәр  </p> <p> якшәмбе һәм ял көннәрендә пациентларны Фатыйх Кәрим урамындагы травмпунктта кабул итәләр </p> <p> <b>Карбышев ур., 72</b> </p> <p> Эш көннәрендә – 8:00 сәгатьтән 19:30 сәгатькә кадәр </p> <p> шимбә – 8:00 сәгатьтән 17:30 сәгатькә кадәр </p> <p> якшәмбе һәм ял көннәрендә пациентларны Фатыйх Кәрим урамындагы травмпунктта кабул итәләр </p> <p> <b>Фатыйх Кәрим ур., 14/67</b> </p> <p> пациентларны Рыбацкая һәм Карбышев урамындагы травмпунктларда эш сәгате беткәч кабул итә башлыйлар </p> <p> Зыян күрүчеләргә хәтта аларның үзләре белән документлары булмаса да беренчел ярдәм күрсәтәчәкләр. Шулай да үзең белән паспорт, медицина полисы һәм СНИЛС булуы яхшы. Травмпунктларда табиблар рентген ясарга, гипс салырга һәм яраны дезинфекцияләргә мөмкин. </p> <p> Исегезгә төшерәбез, синоптиклар киләсе тәүлектә юлларда бозлавык барлыкка килү турында <a target="_blank" href="https://kzn.ru/meriya/press-tsentr/novosti/zavtra-v-tatarstane-potepleet-do-3-gradusov/?lang=ta">кисәтә</a>. Термометр баганалары төнлә -1 дән +1 градуска кадәр күрсәтәчәк. Көндез һава +1..+3 градуска кадәр җылыначак. Җылыну сәбәпле, Казанда кар һәм бозларны чистарту эшләре <a target="_blank" href="https://kzn.ru/meriya/press-tsentr/novosti/minuvshey-nochyu-pri-protivogololednoy-obrabotke-dorog-kazani-ispolzovali-svyshe-24-tonn-reagenta/">көчәйтелде</a>. </p>

2025-01-31T15:43:43+0300