Атна эчендә Казанның ашыгыч ярдәм хезмәтенә 7,6 меңнән артык чакыру килгән

Төрле авырулар сәбәпле ашыгыч ярдәмгә 5931 казанлы мөрәҗәгать иткән.

(Казан шәһәре KZN.RU, 1-нче апрель). 25-нче марттан 31-нче мартка кадәрге атнада Казанның ашыгыч ярдәм хезмәтенә 7611 чакыру килгән, 1196 очрагы җәмәгать урыннарына бару белән бәйле.

Төрле авырулар сәбәпле ашыгыч ярдәмгә 5931 казанлы мөрәҗәгать иткән. Аерым алганда, көчле миокард инфаркты буенча 45 очрак һәм мидәге кан әйләнеше бозылу буенча 166 очрак теркәлгән. Бала табу очраклары уңаеннан табибларга 83 чакыру килгән.

900 чакыру бәхетсезлек очраклары белән бәйле. Юл-транспорт вакыйгалары белән бәйле очракларга 32 тапкыр чакыртылганнар, аларда 34 кеше зыян күргән, 18 кеше хастаханәгә озатылган. Янгын очракларына табиблар 19 тапкыр чакыртылган, биредә 1 кеше зыян күргән, дип хәбәр итә “Казанның ашыгыч медицина ярдәме станциясе” дәүләт автоном сәламәтлек саклау учреждениесе.

Шулай ук укыгыз

Барлык яңалыклар