Узган атнада казанның ашыгыч ярдәм хезмәте бала табу очракларына 71 тапкыр чакыртылган

Атна эчендә Казанның ашыгыч ярдәм хезмәтенә 8900 чакыру килгән.

(Казан шәһәре KZN.RU, 26-нчы ноябрь). 9-нчы ноябрьдән 25-нче ноябрьгә кадәрге атнада Казанның ашыгыч ярдәм хезмәтенә 8900 чакыру килгән, шуларның 1240 очрагы җәмәгать урыннарына бару белән бәйле.

Төрле авырулар сәбәпле ашыгыч ярдәмгә 6766 казанлы мөрәҗәгать иткән. Аерым алганда, көчле миокард инфаркты буенча 75 очрак һәм мидәге кан әйләнеше бозылу буенча 156 очрак теркәлгән. Бала табу очраклары уңаеннан табибларга 71 чакыру килгән.

1031 чакыру бәхетсезлек очраклары белән бәйле. Юл-транспорт вакыйгалары белән бәйле очракларга 53 тапкыр чакыртылганнар, аларда 43 кеше зыян күрүче хастаханәгә озатылган, 2 кеше һәлак булган. Янгын очракларына табиблар 13 тапкыр чакыртылган.

Узган атна белән чагыштырганда чакырулар саны 563-кә арткан. Юл-транспорт һәлакәтләренә чакырулар саны 18-гә, миокард инфарктына 12-гә арткан. Янгыннарга чакырулар саны 6-га, мидәге кан әйләнеше бозылу очракларына 5-кә кимегән. Җәмәгать урыннарына чакырула саны 38-гә арткан, дип хәбәр итә “Казанның ашыгыч медицина ярдәме станциясе” дәүләт автоном сәламәтлек саклау учреждениесе.

Шулай ук укыгыз

Барлык яңалыклар