Узган тәүлектә Казан урамнарыннан 6,8 мең тоннадан артык кар чыгарылган

Бүген көндез шәһәрне җыештыру эшенә 459 юл эшчесе һәм 324 махсус техника берәмлеге җәлеп ителгән.

(Казан шәһәре KZN.RU, 14-нче гыйнвар). Узган тәүлектә Казан урамнарыннан 6,8 мең тоннадан артык кар чыгарылган. Шәһәрне җыештыруга 495 юл эшчесе һәм 642 махсус техника, шул исәптән 157 катнаш юл машинасы, 17 кар төягеч, 150 трактор щеткасы, 20 грейдер, 92 фронталь төягеч, 48 «Барсик» мини-төягече, 146 үзбушаткыч һәм башка төр техника җәлеп ителгән.

Казан юлларында тәүлек эчендә 489 тонна бозлавыкка каршы материал кулланылган.

Бүген көндез урамнарны җыештыруга 459 юл эшчесе һәм 324 махсус техника чыгачак, дип хәбәр итә Тышкы төзекләндерү комитеты.

Карны түбәндәге урамнарның участокларыннан чыгарачаклар: Айдарова, Астрономия, Бауман, Беломорск, Васильченко, Вахитов, Волгоград, Восстание, Габишев, Мәҗит Гафури, Гудованцев, Давыдов, Декабристлар, Дубравная, Рихард Зорге, Кадышев, Шәриф Камал, Копылов, Красиков, Литвинов, Малая Заречная, Мариуполь, Меридиан, Павлов, Песочная, Петербург, Ударная, Сибгат Хәким, Химиклар, Чехов, Чистай, Чуйков, Шмидт, Әмирхан һәм Ибраһимов проспектлары, Горький шоссесы һәм башкалар.

Шулай ук укыгыз

Барлык яңалыклар