Узган тәүлектә ТР башкаласы урамнарыннан 10,3 мең тоннадан артык кар чыгарылган

Казан урамнарын кардан арындыру эшләрендә 374 юл эшчесе һәм 724 махсус техника катнашкан.

(Казан шәһәре KZN.RU, 11-нче февраль). Узган тәүлек эчендә юл хуҗалыгы хезмәтләре 10376 тонна кар чыгарганнар. Казан урамнарын җыештыруга 374 юл эшчесе һәм 724 махсус техника берәмлеге, шул исәптән 163 катнаш юл машинасы, 20 кар төягеч, 107 трактор щеткасы, 27 грейдер, 90 фронталь төягеч, 50 "Барсик" мини-төягече, 256 үзбушаткыч һәм башка төр техника җәлеп ителгән.

Узган тәүлек эчендә юлларны эшкәртү өчен 395 тонна бозлавыкка каршы матдә, шул исәптән 192 тонна реагент һәм 203 тонна ком-тоз катнашмасы кулланылган.

Бүген көндез урамнарны кардан чистартуга 452 юл эшчесе һәм 305 махсус техника чыгачак, дип хәбәр итә Тышкы төзекләндерү комитеты.

Кар юлларның түбәндәге өлешләреннән чыгарылачак: 8 Март, Айдаров, Бауман, Беломорск, Васильченко, Петр Витер, Восстание, Гаврилов, Гагарин, Таҗи Гыйззәт, Декабристлар, Дементьев, Зәкиев, Зорге, Кирпичников, Курчатов, Ломжа, Магистраль, Меридиан, Минск, Несмелов, Нигъмәтуллин, Петербург, Пионер, Солдат, Солидарность, Сибгат Хәким, Химиклар, Чистай, Чуйков, Лукин, Симонов һәм Гвардия урамнарының җәяүлеләр кичүеннән, Ибраһимов проспектыннан, Киров дамбасыннан, Горький шоссесыннан, Мамадыш трактыннан, Нокса авышлыгыннан һ.б.

Шулай ук укыгыз

Барлык яңалыклар