Узган тәүлектә Казан урамнарыннан 13,7 мең тонна кар чыгарылган

Бүген шәһәр урамнарын чистартуда 374 берәмлек техника һәм 568 юл эшчесе катнашачак.

Фото: Марат Мөгыйнов

(Казан шәһәре KZN.RU, 3 нче февраль). Бүген көндез Казан урамнарын кардан чистартырга 568 юл эшчесе һәм 374 берәмлек махсус техника, шул исәптән 58 катнаш юл машинасы, 75 трактор щеткасы, 108 үзбушаткыч, 68 фронталь төягеч, 37 «Барсик» минитөягече һәм башка техника чыкты.

Кар 2 нче Тура, Әбҗәлилов, Авзалова, Батурин, Бауман, Бойничная, Бертуган Касыймовлар, Бутлеров, Волков, Гвардия, Гоголь, Горький, Дальняя, Даурия, Девятаев, Дементьев, Ершов, Зорге, Ипподром, Камай, Карбышев, Коротченко, Кремль, Ленинград, Лесгафт, Мәүлетов, Магистраль, Максимов, Маяковский, Новокремлевская, Островский, Павлов, Петербург, Профсоюз, Пушкин, Садыйков, Сәетгалиев, Сәлимҗанов, Спартак, Совет, Татарстан, Театр, Фучик, Чернышевский, Чехов, Чистай, Чишмәле урамнарыннан, шулай ук Җиңү Ямашев проспектлары территориясеннән, Оренбург һәм Себер трактларыннан, Ирек мәйданыннан, Ферма шоссесыннан һәм башка урамнарның участокларыннан чыгарылачак.

Узган тәүлектә урамнардан 13 мең 780 тонна кар чыгарылган, ә кышкы сезон башыннан бирле – 645 мең 928 тонна кар, дип хәбәр иттеләр Казан Башкарма комитетының Тышкы төзекләндерү комитетында.

Юлларда тәүлек эчендә 283 тонна реагент һәм 307 тонна ком-тоз катнашмасы кулланылган, ә сезон башыннан – 54,7 мең тоннадан артык бозлавыкка каршы материал.

Исегезгә төшерәбез, шәһәрдә кар чистарту буенча кайнар линияләр эшли. KZN.RU порталында басылган район администрацияләре телефоннары буенча да, «Ачык Казан» сервисы аша да мөрәҗәгать итәргә мөмкин. ТР Экология һәм табигый байлыклар министрлыгында рөхсәтсез урыннарда кар җыю фактлары турында хәбәрләр кабул ителә.

Шулай ук укыгыз

Барлык яңалыклар