Казанда БРИКС Уеннарын 25 миллионнан артык тамашачы күзәтте

Казанда БРИКС Уеннарын 25 миллионнан артык тамашачы күзәтте

<p> Казанда БРИКС Уеннарын телевидениедән трансляцияләүне 25 миллионнан артык кеше карады. Бу хакта Россия президенты Владимир Путинның ил хөкүмәте әгъзалары белән киңәшмәсендә РФ спорт министры Михаил Дегтярев сөйләде. </p> <p> «Казанда Уеннар уңышлы узды, бу барлык катнашучылар тарафыннан да билгеләп үтелде. Оештыруның дәрәҗәсе югары, мавыктыргыч. Аудитория бик зур – телевидениедән генә дә 25 миллионнан артык кеше карады, социаль челтәрләрдә бу күрсәткеч – йөзләгән миллион», - дип хәбәр итте Михаил Дегтярев. </p> <p> Министр шулай ук атлетларга түләүләр турында карар проекты турында сөйләде. Хәзер ул хөкүмәттә карауда. Владимир Путин документ кабул итү белән озакка сузмаска кушты. </p> <p> Исегезгә төшерәбез, ярышлар 82 илдән 5 меңнән артык спортчыны берләштерде. Турнир 27 спорт төре буенча узды: дзюдо, спорт көрәше, бокс, суга сикерү, синхрон йөзү һәм башкалар. </p> <p> БРИКС Уеннарына Казанда 16 спорт объекты әзерләгәннәр һәм 2 мең ирекле кешедән торган волонтерлык төркеме оештырганнар. Россиядән бер меңнән артык атлет катнашты, шуларның 29 ы – Казан спортчылары. </p>

2024-07-11T10:33:54+0300