Бер ел эчендә казанлылар «Зооцентр»дан 300 дән артык эт алган

Хәзер приютта 371 хайван бар, шәһәр халкы алар белән таныша һәм үзенә яңа дус сайлый ала.

Фото: Марат Мөгыйнов

(Казан шәһәре KZN.RU, 27 нче гыйнвар). Узган ел «Зооцентр» приютыннан 363 эт гаиләле булган. 20 йорт хайваны ел дәвамында шәһәр паркларында һәм скверларында үткәрелгән «Лапа дружбы» хәйрия акцияләрендә хуҗалар тапкан.

Хәзер приютта хуҗаларын көтүче 371 эт яши. Шуларның 68 е көчекләр өчен «балалар бакчасы»нда гомер итә. Шәһәрлеләр приют карамагындагылар белән аралаша, алар белән махсус мәйданчыкта йөри һәм үзләренә ошаган хайванны ала ала, дип хәбәр иттеләр «Зооцентр»да.

Тема буенча материаллар:

«Алар безне яхшырак итәләр»: сукбай этләрне сыендырган казанлыларның 4 тарихы

2022 елда «Зооцентр» белгечләре Казанда барлыгы 4363 эт тоткан, шуларның 3413 е вакцинация һәм стерилизациядән соң элекке яшәү урыннарына җибәрелгән.

Күп этләрне, шәһәр урамнарында сукбай хайваннарны күреп, хәбәр иткән казанлыларның мөрәҗәгатьләре аркасында тота алганнар. Бер ел эчендә шәһәрлеләр хайваннарны тотуга 6 меңгә якын заявка калдырган. Мөрәҗәгать кергәннән соң махсус хезмәт эт артыннан, кирәк булганда мөрәҗәгать итүче белән бергә бара.

Искәртеп узабыз, күзәтүчесез хайваннарны тотуга заявканы +7(843)222-04-44 телефоны буенча калдырырга мөмкин. Шулай ук мөрәҗәгатьләрне «Халык контроле» һәм «Ачык Казан» системалары аша да кабул итәләр. Гариза биргәндә мөрәҗәгать итүченең фамилиясен, исемен һәм атасының исемен һәм эт урнашкан адресны күрсәтергә кирәк.

Шулай ук укыгыз

Барлык яңалыклар