Бер ел эчендә метрополитеннан сәламәтлек мөмкинлекләре чикләнгән 172 мең пассажир файдаланган

2023 ел белән чагыштырганда, күрсәткеч 59% ка арткан

2024 елда Казан метрополитеныннан сәламәтлек мөмкинлекләре чикләнгән 172 мең 803 кеше, шул исәптән аз хәрәкәтләнүче пассажирлар файдаланган. Бу үткән ел белән чагыштырганда 59% ка күбрәк – 2023 елда күрсәткеч 108 мең 860 кеше тәшкил иткән, дип хәбәр итте «Метроэлектротранс» МУП.

Метро станцияләре уңайлы мохит булдыру өчен барлык кирәкле нәрсәләр белән җиһазландырылган. Сәламәтлек үзенчәлекләре булган пассажирлар өчен конструкцияләр һәм төрле функцияле җайланмалар урнаштырылган: пандуслар, тоткалар, лифтлар, җыела торган һәм күчмә күтәргечләр, тайгак борыслар, кырый баскычларда сары кисәтү линияләре, тактиль рельефлы идән плитәләре, «М» тибындагы ишекләр, кычкырып сөйли торган җайланмалар, платформаларда һәм касса залларында персоналны чакыру төймәләре, навигация һәм күрсәткечләр.

Һәр станциядә озатып йөрүдә яки хәрәкәттә ярдәм итәчәк өйрәтелгән хезмәткәрләр бар. Кирәк булганда теләсә кайсы метро хезмәткәренә мөрәҗәгать итәргә яки персоналны чакыру төймәсенә басарга мөмкин.

Исегезгә төшерәбез, эш көннәрендә Казан метрополитены 130 меңнән артык кешене йөртә, алар арасында – сәламәтлек үзенчәлекләре булган кешеләр, олы яшьтәге пассажирлар, бала коляскалары белән ата-аналар һ.б.

Шулай ук укыгыз

Барлык яңалыклар