8 ай эчендә Казанда Административ хокук бозулар турында 47 меңнән артык карар чыгарылган

Салынган штрафларның суммасы 193 млн сумнан артып киткән.

(Казан шәһәре KZN.RU, 10-нчы сентябрь). Агымдагы елның 8 аенда Казанның Административ комиссияләре административ хокук бозулар турында 47 мең 344 карар чыгарган. Хокук бозучыларга 193 млн 406 мең 400 сумлык штраф салынган.

Контроль органнары иң күп карарларны «Түләүле муниципаль парковкаларда (парковка урыннарында) транспорт чараларын урнаштырган өчен түләмәү»ТР Административ хокук бозулар турындагы кодексның 3.6 маддәсе буенча чыгарды, 70 млн 302 мең 500 сумлык штраф салынды.

«Җирлекләр һәм шәһәр округлары территорияләрен төзекләндерүнең муниципаль кагыйдәләрен бозган өчен» (ТР Административ хокук бозулар турындагы кодексның 3.6 маддәсе) 3 мең 397 карар чыгарылды һәм 86 млн 335 мең 100 сумлык штраф салынды.

3 мең 890 материал «Урам сәүдәсен оештыру тәртибен бозу» 3.2 маддәсе буенча төзелде, штрафлар 8 млн 319 мең 100 сум тәшкил итте. Тышкы мәгълүматны урнаштыру тәртибен бозган өчен (ТР Административ хокук бозулар турындагы кодексның 3.5 маддәсе) 2 млн 501 мең сумлык 1 мең 700 карар чыгарылды.

ТР Административ хокук бозулар турындагы кодексның «"Җирле үзидарә органнарының муниципаль хокукый актларын үтәмәү» 2.6 маддәсе буенча 145 карар чыгарылды. Бу маддә буенча салынган штрафларның суммасы 6 млн 592 мең 200 сум тәшкил итте.

Шулай ук укыгыз

Барлык яңалыклар