4 ай эчендә Казанда төзекләндерү кагыйдәләрен бозучыларга 52 млн сум штраф салынды

Админкомиссия тарафыннан салынган штрафларның гомуми суммасы 90 млн сумга якын булган.

(Казан шәһәре KZN.RU, 7-нче май). Агымдагы елның 4 аенда Казанның Административ комиссияләре административ хокук бозулар турында 17 мең 517 карар чыгарды. Хокук бозучыларга 89 млн 992 мең 100 сумлык штраф салынды.

Контрольдә тотучы органнар ТР Административ хокук бозулар турындагы кодексының 3.16 маддәсе буенча «Түләүле муниципаль парковкада (парковка урыннарында) транспорт чараларын урнаштырганга түләмәгән өчен» 12 мең 138 карар чыгарды - 29 млн 465 мең сумлык штраф салынды.

«Җирлекләр һәм шәһәр округлары территорияләрен төзекләндерү муниципаль кагыйдәләрен бозган өчен» ( ТР Административ хокук бозулар турындагы кодексының 3.6 маддәсе) 1 мең 889 карар чыгарылды һәм 52 млн 112 мең 400 сумлык штраф салынды.

«Урам сәүдәсен оештыру тәртибен бозу» 3.2 маддәсе буенча 1 мең 876 материал төзелде, штрафлар суммасы 3 млн 535 мең 400 сум тәшкил итте. Тышкы мәгълүматны урнаштыру тәртибен бозган өчен ( ТР Административ хокук бозулар турындагы кодексының 3.5 маддәсе) 1 млн 760 мең 500 сумлык 1 мең 33 карар чыгарылды.

ТР Административ хокук бозулар турындагы кодексның «Җирле үзидарә органнарының муниципаль хокукый актларне үтәмәве» 2.6 маддәсе буенча 257 карар чыгарылды. Әлеге маддә буенча салынган штрафлар күләме 2 млн 600 мең 300 сум тәшкил итте.

Шулай ук укыгыз

Барлык яңалыклар