2,5 ай эчендә Казан урам артистлары «Art-проспект» платформасында 2,9 мең чыгышны килештергән

Бауман урамындагы таш компас янындагы мәйданчык музыкантлар һәм рәссамнар арасында иң зур ихтыяҗ тудырган урын булып тора.

Фото: Денис Гордийко

Казан шәһәре KZN.RU, 6 нчы июль, Юлия Летникова). «Art-проспект» онлайн-платформасын эшләтеп җибәргәннән соң 2,5 ай эчендә Казан урам артистлары шәһәр мәйданчыкларында 2,9 мең чыгышны килештергән. Хәзерге вакытта сервиста барлыгы 232 музыкант, рәссам һәм актер теркәлгән, алар атна саен мәйданчыкларны 250 тапкыр броньлый.

Артистлар ешрак ял көннәрендә – шимбә һәм якшәмбе чыгыш ясый, ә Бауман урамындагы таш компас янындагы мәйданчык иҗат өчен иң яраткан урын булып тора, дип хәбәр иттеләр шәһәр Башкарма комитетының Мәдәният идарәсендә.

«Art-проспект» цифрлы платформасы штат режимында 17 нче майда эшли башлады. Ул иҗат белән коммерциясез нигездә шөгыльләнүче артистлар өчен булдырылган. Аның ярдәмендә Казан халкы һәм кунаклары үзләренең чыгышларын шәһәрнең 26 мәйданчыгында броньлый ала. Чыгышның озынлыгы – 3 сәгать. Урынны һәм чыгыш вакытын броньлау өчен платформада ЕСИА системасы аша теркәлергә кирәк. Авторизациядән соң артистка үзенең шәхси профилен тутырырга, иҗади эшчәнлек өчен мәйданчык һәм вакыт сайларга кирәк булачак. Шунда ук ул чыгышларны гамәлдән чыгарырга мөмкин.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар