10 айда Казанда 150 дән артык законсыз сәүдә объекты юк ителгән

10 айда Казанда 150 дән артык законсыз сәүдә объекты юк ителгән

<div class="detail-picture"> <img src="https://kzn.ru/upload/iblock/7ca/7cac83dc5517c224895c201ffe7eceb2.jpg"> <p class="detail-picture__caption"> Кулланучылар базары комитеты фотосы </p> <p> </p> <p> </p> <p> Гыйнвардан октябрьгә кадәр Казанда стационар булмаган законсыз 158 сәүдә объекты сүтеп алынган. Әлеге күрсәткеч узган ел белән чагыштырганда 30 корылмага күбрәк. Рөхсәтсез җирдә торучы 53 автофургон да алынган. Мондый төр объект шулай ук 2024 ел белән чагыштырганда 36 га күбрәк. </p> <p> Казан Башкарма комитетының Кулланучылар базары комитетында билгеләп үтүләренчә, элегрәк бер объект өч айга кадәр һәм аннан да күбрәк вакыт аралыгында сүтелгән. Эшне тизләтү өчен Комитет эш схемасын үзгәрткән. Ай саен шәһәр мэриясе порталында гамәлдәге килешүләр нигезендә урнаштырылган стационар булмаган сәүдә объектлары исемлеге <a target="_blank" href="https://kzn.ru/meriya/ispolnitelnyy-komitet/kpr/dokumenty/nestatsionarnye-torgovye-obekty-nto/">бастырыла</a>. Муниципаль җирдә бу исемлектә булмаган теләсә нинди павильон яки ларек автомат рәвештә законсыз дип санала. Сүтү эшләре муниципаль җир контроле актын алганнан соң ук – хуҗасына алдан хәбәр итмичә генә башкарылырга мөмкин. Стационар булмаган сәүдә объектлары исемлеге белән теләгән һәр кеше таныша ала, ул ачык документ санала һәм даими рәвештә яңартылып тора. </p> <p> <img src="https://kzn.ru/upload/iblock/00a/00a922beda4f1026f70e170c2763b8ec.jpg"><br> </p> <p> </p> <p> Законсыз корылмаларны сүтү, күчерү һәм саклау өчен тотылган чыгымнарны түләттерүнең уңай нәтиҗәсе дә бар: бюджетка, суд тәртибендә һәм ирекле рәвештә 3 миллион сумнан артык акча кергән. </p> <p> Исегезгә төшерәбез, бүгенге көндә Казанда ел әйләнәсе эшли торган стационар булмаган сәүдә объектларын урнаштыруның 691 урынын үз эченә алган схема гамәлдә, эшмәкәрләр белән 449 килешү төзелгән. Әлеге схемага кермәгән объектлар законсыз булып санала. Шул ук вакытта стационар сәүдә объектлары саны артуга бәйле рәвештә стационар булмаган сәүдә объектларының саны кимүе күзәтелә, дип ассызыкладылар комитетта. </p> <p> Казанның Кулланучылар базары комитеты шәһәр территорияләрендә килешүләрсез эшли торган, салым түләмәүче, төзекләндерү кагыйдәләрен бозучы һәм намуслы эшмәкәрләргә каршылык тудыра торган легаль булмаган павильоннарны һәм ларекларны юк итү буенча системалы эшне дәвам итә. Соңгы алты елда 1758 законсыз объект сүтелгән. </p> </div> <br>

2025-11-26T09:07:01+0300