В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
Яңалыклар
05.11.2025, 14:31
«Яшь журналист»: казанлыларны медиа өлкәсендә бушлай дәресләргә чакыралар
Курс кысаларында 12 очрашу каралган
Казанда 7 яшьтән өлкәнрәк балалар өчен «Яшь журналист. Дөньяны ишетергә һәм аның турында сөйләргә» дигән бушлай курска язылу мөмкинлеге барлыкка килде. Медиамәктәп кысаларында теләге булган барлык балаларны әңгәмә алырга, текстлар язарга һәм кадрда эшләргә өйрәтәчәкләр.
Программа нигезендә 12 очрашу каралган. Курс 1,5 ай дәвам итәчәк. Яшь казанлылар мәктәп проектлары өчен дә, үз блогларын алып бару өчен дә файдалы булган күнекмәләрне үзләштерә алачак. Курс ахырында барлык катнашучылар, бергә берләшеп, массакүләм мәгълүмат чараларына җибәреләчәк мәкалә язачаклар.
Урыннар саны чикләнгән, шунлыктан теләгән һәр кешегә тиз арада әлеге сылтама буенча анкета тутырырга кирәк. Оештыручылар проектта катнашырга теләүчеләр белән элемтәгә керәчәк һәм курсның тулы программасын, расписаниесен җибәрәчәк, дип хәбәр итә «Игелекле Казан» оешмасы матбугат хезмәте.
Дәресләр Журналистлар урамы, 13 йорт адресы буенча «Бергә» инклюзия үзәге базасында узачак.
Шулай ук укыгыз
-
22.11.2025, 09:06 -
21.11.2025, 09:31 -
20.11.2025, 12:30 -
20.11.2025, 09:51