Яшь казанлыларны Ралли һәм мотокросс буенча администрация кубогында катнашырга чакыралар

Ярышлар алдыннан балалар әлеге спорт төрләре буенча күнекмәләрен бушлай ныгыта ала

27 нче сентябрь көнне Казанда балалар арасында ралли һәм мотокросс буенча Авиатөзелеш, Яңа Савин районнары администрациясе кубогына ярышлар узачак. Чара алдыннан балалар әлеге спорт төрләре буенча күнекмәләрен бушлай ныгыта алганга, узышта, әзерлек дәрәҗәсе нинди булуга карамастан, яше 7 дән алып 17 гә кадәрге теләге булган һәр бала катнаша ала.

Ярышучыларны вакыт буенча старт һәм фиништан торган тизйөрешле юл өлешен узу буенча бәяләячәкләр. Узышлар өчен каралган юл өлешенең 80% ы асфальт, 20% ы исә юлсыз җир булачак. Турнирда катнашучыларның барысы да электерелә торган махсус баш киеменнән һәм гәүдә өлешләрен саклый торган экипировкадан булырга тиеш.

Ярышта беренче, икенче, өченче урыннар һәвәскәрләр, спортчылар һәм профессиональ шөгыльләнүчеләр арасында билгеләнәчәк. Шулай ук махсус «Иң җитез кыз», «Гадәти булмаган егылу», «Җиңүгә омтылыш» һәм «Иң яхшы старт» номинацияләре буенча да үз көчеңне сынау мөмкинлеге бар.

Ярышлар алдыннан күнекмәләрне бушлай ныгыту турындагы мәгълүмат теркәлү узганнан соң билгеле була, дип хәбәр итә администрациянең матбугат хезмәте. Турнирда катнашу өчен 18 нче сентябрь сәгать 19:00 гә кадәр сылтама аша гариза тутырырга кирәк.

Балалар өчен ралли һәм мотокросс буенча администрация кубогы ярышлары Гаврилов урамы, 5 йорт адресы буенча үткәрелә.

Шулай ук укыгыз

Барлык яңалыклар