Яшь казанлыларны гольф уйнарга өйрәтәчәкләр

Гольф уены фикерләүне үстерә, тактиканы һәм стратегияне эшләп чыгарырга ярдәм итә.

(Казан шәһәре KZN.RU, 22-нче май). Яшь казанлыларны гольф буенча ачык дәрескә чакыралар. Профессиональ мастерлар балаларга гольф уеннары кагыйдәләрен өйрәтәчәк, кәшәкәне ничек тотарга һәм тупка ничек бәрергә кирәклеген күрсәтәчәкләр.

Дәрес түләүсез нигездә 25-нче май көнне 18.00 сәгатьтә Кремль яр буендагы балалар аллеясында узачак. Балалар гольф белән уен формасында җиңел һәм куркынычсыз балалар пластик кәшәкәләр кулланып танышачаклар.

Гольф уены фикерләүне үстерә, тактиканы һәм стратегияне эшләп чыгарырга ярдәм итә, сын-гәүдәне һәм күрү сәләтен яхшырта, шулай ук түземлеккә, бер-береңә ярдәм һәм хөрмәт итәргә өйрәтә, дип билгеләп үтә Кремль яр буенда дәресне оештыручылар.

Шулай ук укыгыз

Барлык яңалыклар