Казан әти-әниләре балаларына Ясминә, Ислам, Алексей, Мәликә һәм Мирон исемнәрен яратып кушкан

Казан әти-әниләре балаларына Ясминә, Ислам, Алексей, Мәликә һәм Мирон исемнәрен яратып кушкан

<p> (Казан шәһәре KZN.RU, 25-нче апрель). Узган атнада, 15-нче апрельдән 21-нче апрельгә кадәр, Казан Гражданлык хәле актларын теркәү бүлекләрендә 308 бала тууы теркәлгән: 163 малай һәм 145 кыз. </p> <p> Иң яшь әнигә – 19 яшь, иң яшь әтигә - 21. Иң өлкән әнинең яше – 45, иң өлкән әтинеке - 48. Туган вакытта иң җиңел авырлыктагы бала 840 грамм булган, иң зур авырлыктагысы - 4560 грамм. </p> <p> Бу атнаның балалар исемнәре арасында иң популяр түбәндәгеләр: Ясминә, Әминә, Тимур, Данил, Ислам, Алексей, Мәликә, Арина, Мирон, Виктория, Кәрим. Ата-аналар үз сабыйларына кушкан иң сирәк исемнәр: Назар, Иосиф, Леон, Марианна, Сәрия, Салиха, Адам, Юлиана, Иоанн. </p> <p> Шул ук вакыт эчендә шәһәрнең Гражданлык хәле актларын теркәү бүлекләрендә 191 пар никахларын теркәде, дип хәбәр итә Казан Гражданлык хәле актларын теркәү идарәсе. </p> <p>   </p>

2019-04-25T17:18:37+0300