Узган атнада иң популяр исемнәр Ясминә һәм Дмитрий булган

Узган атна эчендә Казанның Гражданнар хәле актларын теркәү бүлекләрендә 452 бала тууы теркәлгән.

(Казан шәһәре KZN.RU, 13-нче апрель). Узган атна эчендә 5-нче апрельдән 11-нче апрельгә кадәр Казанның Гражданнар хәле актларын теркәү бүлекләрендә 452 бала тууы теркәлгән: 214 малай, 238 кыз.

Казанның иң яшь анасына 20 яшь булса, иң өлкәненә – 41. Иң яшь әтигә 21 яшь булса, иң өлкәненә – 47. Туган вакытта минималь һәм максималь бала авырлыгы күрсәткечләре – 500 һәм 5450 грамм.

Атна дәвамында иң еш кушылган исемнәр: Дмитрий, Ясминә, София, Дарина, Ралина, Кәрим, Даниэль, Һава, Артем, Ярослав, Динар. Сирәк кушылган исемнәр: Җәмал, Демьян, Василиса, Гордей, Максимилиан, Госман, Эмма, Алла, Федор, Агата, Борис, Эсмира.

Шушы ук вакытта Гражданнар хәле актларын теркәү бүлекләрендә 124 пар никахларын рәсмиләштергән. Иң яшь кияү белән кәләшкә – 18 һәм 17 яшь булса, иң өлкәннәренә – 77 һәм 62 яшь, дип хәбәр итә Казанның Гражданнар хәле актларын теркәү идарәсе.

Шулай ук укыгыз

Барлык яңалыклар