"Яблоневый сыр", "Наташино лето", "Кызыл юл" - "Солнце внутри" хәйрия фонды кемгә һәм ничек булыша

"Яблоневый сыр", "Наташино лето", "Кызыл юл" - "Солнце внутри" хәйрия фонды кемгә һәм ничек булыша

<p> (Казан шәһәре KZN.RU, 7-нче декабрь, Ксения Швецова). Узган атнада "Игелекле Казан" форумы кысаларында Казан Ратушасында күргәзмә оештырылды, ул форумда катнашучыларны һәм кунакларны хәйрия фондларының кызыклы проектлары белән таныштырды. Күргәзмәдә аерым урынны туку остаханәсе эшләнмәләре алып торды, аларны Чаллыдан мөмкинлекләре чикләнгән кешеләргә һәм халыкның якланмаган катламнарына ярдәм итүче "Солнце внутри" хәйрия фонды алып килгән. Фондның проектлары турында аның җитәкчесе Юлия Әхмәтҗанова сөйләде.<br> </p> <p> "Солнце внутри" сувенир кибете - эшләнмәләр осталар белән тандемда ясала </p> <p> Филиалы Казанда (Бауман ур., 82) урнашкан сувенир кибете шәһәр халкына сәламәтлекләре ягыннан мөмкинлекләре чикләнгән кешеләр һәм профессиональ осталар тарафыннан әзерләнгән гадәти булмаган сувенирлар тәкъдим итә. Проект 2016 елның җәендә старт алды. </p> <p> Кибеттә кулдан эшләнгән продукция сатыла, аның нигезендә фонд карамагындагы кешеләрнең идеяләре ята – макет, рәсем һ.б. "Төп бурыч – сувенир, нәтиҗәдә, кызыклы һәм заманча булсын өчен, тандемда эшләү", - ди Юлия һәм кибеттәге гадәти сувенирлардан тыш, рус һәм татар телләрендә язылган гардероб предметларын, милли бизәк, символика, татар милли әкиятләреннән персонажлар сатып алырга мөмкин, дип өстәде. </p> <p> Җыелган акчаларның күп өлеше хәйрия максатларына юнәлтелә. </p> <p> Хәзер "Солнце внутри" кибете остаханәләрне урнаштыру өчен Казанда бина эзли. </p> <p> "Яблоневый сыр» - ике яшьлек сабыйның китабы БЦП белән авыручы балаларга ярдәм итте </p> <p> "Яблоневый сыр" - 2,5 яшьлек Тимур Салихов исемле малай тарафыннан язылган әкиятләрдән һәм кечкенә генә притчадан торган китап исеме. "Аның әсәрләрен берләштерү һәм китап чыгару идеясе барлыкка килде, - дип сөйли Юлия. - Без бу проектка БЦП белән авыручы балаларны җәлеп итәргә булдык, алар һәр әкияткә иллюстрация ясый. Нәтиҗәдә, бик яхшы китап килеп чыкты, ул Яр Чаллыда сатылды". </p> <p> Бер тираж белән чыгарылган китапны шактый кыска вакыт эчендә сатып алганнар, шуның аркасында 150 мең сум акча җыелган – бу акчалар БЦП диагнозы куелган балаларга ярдәм итүгә юнәлдерелгән. </p> <p> "Яблоневый сыр" - ул кешеләрнең игътибарын инвалидлыкка, инклюзиягә җәлеп итү, кешеләрнең күз яки тире төсләре буенча гына түгел, ә начар гамәле белән генә аерылуын күрсәтү мөмкинлеге. Чөнки без барыбыз да хыялланабыз, бер Җир шарында яшибез һәм шатланабыз. Тимур Салиховның әкиятләре дә шул хакта", - ди Юлия. </p> <p> Соңрак китап буенча балалар һәм өлкәннәр катнашында "Проснись" театр студиясе тарафыннан инклюзив спектакл куелды. Спектакль бер тапкыр куелды, барлык җыелган акчалар да БЦП белән авыручы балаларга ярдәм итүгә юнәлдерелгән. </p> <p> "Кызыл юл" шәһәр инфраструктурасында тигез шартлар тудырырга ярдәм итә </p> <p> "Кызыл юл" - ул фондның берничә ел дәвамында тормышка ашырыла һәм мөмкинлекләре чикләнгән кешеләр очраша торган кыенлыкларга игътибар итәргә ярдәм итә торган зур проекты. </p> <p> "Безнең активистлар, инвалид коляскаларында шәһәрнең инвалидлар хәрәкәте өчен ни дәрәҗәдә уңайлы булуын тикшерәләр. Әгәр бурыч бар икән, без Башкарма комитетка, прокуратурага мөрәҗәгать итәбез - кыскасы, шәһәр мохитеннән файдалану мөмкинлеген арттыру буенча мәсьәләләрне хәл итәбез", - дип аңлатты фонд җитәкчесе һәм бу реаль проблемаларны хәл итәргә ярдәм итүче кешеләрнең тормышы турында катлаулы проект дип өстәде. </p> <p> Туку остаханәсе - станок көйләүдән тулы кыйммәтле әйберләргә кадәр </p> <p> Туку остаханәсе Чаллыда инде 2 ел эшли, аның белән куратор-тукучы җитәкчелек итә. Мөмкинлекләре чикле кызлар атнага ике тапкыр махсус дәресләргә йөриләр һәм һөнәри җиһазларда эшләргә өйрәнәләр. Уртача алганда, дәресләргә 10 кеше йөри. "Башта төп бурыч станокларны көйләү һәм гади эш башкарырга өйрәнү иде. Әмма бүген күп кенә кызлар тулы кыйммәтле әйберләр ясый ала - әйтик, свитшотлар һәм мендәр өчен тышлыклар». </p> <p> Фонд хисабына ясалган беренче эшләнмәләрне кызларның үзләренә бүләк иттеләр, ә хәзер алар, нигездә, тормышка ашыру өчен билгеләнгән. </p> <p> Мондый проектлар сәламәтлекләре чикләнгән кешеләргә социальләшергә, яңа дуслар табарга, яңа эшкә өйрәнергә һәм үзләрен җәмгыятьнең тулы хокуклы әгъзалары итеп хис итәргә мөмкинлек бирә. Аларның кулларыннан чыккан эшләнмәләр бик аз профессионаллар гына эшли ала һәм бу - проектта катнашучылар өчен зур казаныш. </p> <p> "Наташино лето" коляскаларда йөрүгә башлангыч бирде </p> <p> "Наташино лето" – мөмкинлекләре чикле кешеләр белән күзгә-күз очраша торган мөһим проблемага кешеләрнең игътибарын җәлеп иткән иң мөһим һәм дулкынландыргыч проектларның берсе. Ул фонд белән элемтәгә кергән һәм үз проблемалары белән уртаклашкан Наташа Трушкова ярдәме белән барлыкка килде: җәен ул бик теләп урамда йөрер иде, ләкин аның әнисе өлкән яшьтә булганга, аңа инвалид арбасында аска төшәргә ярдәм итүче юк. </p> <p> "Мин волонтерлар белән элемтәгә кердем, дусларга, чаллылыларга мөрәҗәгать иттем. Бүгенге көнгә кадәр вакыт-вакыт аңа төшәргәярдәм иткән һәм аның белән көнгә 2 сәгать йөри торган кешеләр табылды", – дип сөйләде Ю.Әхмәтҗанова һәм хәзер проектның мөмкинлекләре чикләнгән башка кешеләргә таралуын әйтте - хәзер алар, волонтерлар ярдәме белән, саф һавада йөрү мөмкинлеге алды. </p> <p> "Без Казанда да безнең проектларны гамәлгә ашырырга планлаштырабыз. Эш барышында без барлык алгоритмнарны эшләдек һәм тиздән аларны зур шәһәргә күчерергә телибез", - дип планнары белән уртаклашты Юлия. </p>

2018-12-07T17:08:41+0300