В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
Яңалыклар
20.02.2023, 11:34
Ратушада күргәзмә һәм Аксенов музеенда концерт: Казанда Федор Шаляпинның тууына 150 ел тулуны бәйрәм итүне дәвам итәләр
Шәһәрлеләр моңа кадәр беркайда да күрсәтелмәгән кулъязмаларны, хатларны һәм фотосурәтләрне күрә алачак.
Фото: Денис Гордийко
Тема буенча материаллар:
21 нче февральдә, Туган телләр көнендә, Василий Аксеновның музей-йортында Федор Шаляпинга багышланган концерт узачак. Анда Н.Г.Җиһанов исемендәге Казан консерваториясе студентлары һәм укытучылары катнашачак.
Бер атнадан, 28 нче февральдә, Ратушада «Шаляпин. Иҗади мирас һәм хәзерге заман» күргәзмәсе ачыла. Килүчеләр моңарчы күрмәгән кулъязмалар, хатлар һәм фотоларның төп нөсхәләрен күрә алачак. Экспозиция опера җырчысының гомеренең соңгы еллары, аның Казандагы иҗади юлы һәм дөнья сәхнәләрендәге чыгыш ясавы, шулай ук Федор Шаляпинның музыкаль мәдәният үсешенә керткән өлеше турында сөйләячәк.
Исегезгә төшерәбез, 13 нче февральдә Казанда туып-үскән күренекле опера җырчысы Федор Шаляпинның тууына 150 ел тулды. Шул уңайдан шәһәрдә чаралар циклы уза, шул исәптән Пушкин урамындагы 10 нчы йорт фасадында Шаляпинга мемориаль такта ачу да планлаштырыла. Казанда гыйнварда старт алган 41 нче Халыкара опера фестивале дә юбилейга багышланган. Моннан тыш, Качалов урамында урнашкан балалар музыка-хор мәктәбенә Федор Шаляпин исеме бирелде.
Фоторепортаж
Эшлекле дүшәмбе, 20.02.2023
Видеорепортаж
20.02.2023
10:57
<p>
Халыкара туган тел көнендә Ленин исемендәге мәдәни-күңел ачу комплексында «Апуш» студиясенең яңа спектакле күрсәтеләчәк
</p>
Шулай ук укыгыз
-
25.07.2025, 16:19 -
25.07.2025, 09:57 -
24.07.2025, 13:46 -
24.07.2025, 11:22