«Чыршы уенчыклары фабрикасы» күргәзмәсе ТР Милли музеенда ачылачак

Килүчеләр пыяладан төрле әйберләр ясаучы һәм рәссамнар һөнәренең серләрен, шулай ук төрле илләрдә Яңа елны бәйрәм итү традицияләрен белә алачак.

Фото: ТР Милли музее матбугат хезмәте

(Казан шәһәре KZN.RU, 8-нче декабрь). 9-нчы декабрьдә ТР Милли музеенда «Чыршы уенчыклары фабрикасы» күргәзмәсе ачылачак. Килүчеләр пыяладан төрле әйберләр ясаучы һәм рәссамнар һөнәренең серләрен, шулай ук төрле илләрдә Яңа елны бәйрәм итү традицияләрен белә алачак.

Күргәзмәдә Россиянең һәм Советлар Союзының элеккеге Республикаларының борынгы уенчыклары һәм хәзерге заман чыршы бизәкләренең иң яхшы үрнәкләре күрсәтеләчәк.

Музейда чыршы шарын бизәү буенча мастер-класслар узачак. Килүчеләр чыршы шарын милли бизәкләр, орнаментлар белән бизи яки туганнарына, дусларына һәм якыннарына котлау яза алачак, дип хәбәр итә ТР Милли музее матбугат хезмәте.

Музей территориясендә Казанда беренче махсус пыяла чыршы уенчыклары кибете ачылачак, анда чыршыга теләсә нинди зәвыкка бизәкләр сайларга мөмкин булачак.

Күргәзмә 14.00 сәгатьтә ачылачак.

Шулай ук укыгыз

Барлык яңалыклар