«Донбасс – Россия: тарих һәм хәзерге заман» күргәзмәсе ТР Милли музеенда ачылды

Экспозицияне элегрәк Киров, Уфа, Кудымкар, Ханты-Мансийск, Луганск һәм Донецкида тәкъдим иттеләр

Фото: Казан шәһәре KZN.RU

(Казан шәһәре KZN.RU 22 нче ноябрь). Татарстан Милли музеенда «Донбасс – Россия: тарих һәм хәзерге заман» күргәзмәсе ачылды. Экспозицияне элегрәк Киров, Уфа, Кудымкар, Ханты-Мансийск, Луганск һәм Донецкида тәкъдим иттеләр. ТР башкаласы күргәзмә узачак соңгы шәһәр булды.

Экспозиция XIX гасырдан алып хәзерге заманга кадәр тарихи чорны колачлый. Проектның үзенчәлеге шунда ки, һәр шәһәрдә әлеге төбәкнең Донбасс белән бәйләнешен чагылдыра торган предметлар куялар.

Татарстан һәм Донбасс совет чорыннан бирле тыгыз элемтәдә тора. Гражданнар сугышыннан соң республика иреклеләре төбәкне торгызырга китә, шул исәптән 40 мең Татарстан эшчесе. Донбасста татар телендә газета басыла, грамотасызлыкны бетерү курслары оештырыла, төбәккә язучылар һәм музыкантлар килә.

ТР Милли музееның уникаль экспонаты булып Шәриф Камалның «Карак оясы» әсәрен иллюстрацияләү өчен эшләнгән шахта макеты тора. Анда Донбасс шахтерларының тормышы һәм көнкүреше тәфсилләп чагылдырылган.

Кунаклар шулай ук тактик җиһазларның тулы комплектын, аптечкаларны һәм бандажлар җыелмасын, окоп шәмнәрен һәм маскировка челтәрләрен күрә алачак.

Күргәзмә 17 нче декабрьгә кадәр дәвам итәчәк. Экспозиция Россиянең Заманча тарихы музее тарафыннан оештырылган, дип хәбәр итә ТР Милли музее матбугат хезмәте.

Шулай ук укыгыз

Барлык яңалыклар