В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
Яңалыклар
11.10.2019, 14:44
Казанда ял көннәре: сирәк автомобильләр күргәзмәсе, Покров кичәсе һәм йөгерү буенча чемпионат
Киләсе ял көннәрендә казанлыларны көтә торган барлык чаралар турында тулырак - KZN.RU порталының традицион афишасында.
(Казан шәһәре KZN.RU, 11-нче октябрь). Киләсе ял көннәрендә Казан халкы һәм кунаклары гадәти булмаган һәм сирәк автомобильләр күргәзмәсен карый, борынгы рус көнкүрешенең уникаль предметларын күрә, Покров кичәсендә бии, йөгерү буенча чемпионатта катнаша, шулай ук икенчел чималны эшкәртү өчен мобиль пунктка тапшыра ала. Барлык теләүчеләр дә KZN.RU порталының традицион афишасында үз зәвыкларына туры килердәй күңел ачу чарасын сайлый алачаклар.
Кендо буенча Россия беренчелеге һәм чемпионаты
12-нче һәм 13-нче октябрь көнне 9.00 сәгатьтә
12-13-нче октябрьдә Казанның «Ак Барс» көрәш сараенда кендо буенча Россия беренчелеге һәм чемпионаты узачак. Ярышларда илнең 23 төбәгеннән спортчылар катнашачак. Беренчелектә 15-17 яшьлек яшүсмерләр көч сынашачак, ә чемпионатта ир-атлар һәм хатын-кызлар өчен шәхси һәм команда ярышлары узачак. Чемпионат нәтиҗәләре буенча 2020 елның апрелендә Норвегиядә узачак Европа чемпионатында катнашу өчен кендо буенча (ир-атлар, хатын-кызлар һәм яшүсмерләр) Россия җыелма командасына кандидатлар сайлап алыначак.
Кендо буенча ярышларны ачу тантанасы 12-нче октябрьдә 9.00 сәгатьтә «Ак Барс» көрәш сараенда (Фатыйх Әмирхан проспекты, 1г) узачак.
«Смена» заманча мәдәни үзәгендә архитектура һәйкәлләре күргәзмәсе
12-13-нче октябрьдә 12.00 сәгатьтән 21.00 сәгатькә кадәр
«Смена» заманча мәдәни үзәгендә «Үзгәртеп кору. Җайлаштыру. Саклап калу. Мәдәни мирас белән эшләүдә Голландия тәҗрибәсе». Анда 20 трансформация һәм тарихи төзелеш җайланмалары эше тәкъдим ителгән: Нидерланд, Россия, Германия, АКШ, Италия һәм Кытайда Голландия белгечләре тарафыннан эшләнгән һәм тормышка ашырылган архитектура һәйкәлләре һәм сәнәгать объектлары.
Күргәзмәгә теләгән һәркем 22-нче ноябрьгә кадәр килә ала.
«Рус костюмы поэзиясе» күргәзмәсе
12-13-нче октябрь, 10.00 сәгатьтән 17.00 сәгатькә кадәр
Казанның А.С.Пушкин исемендәге Мәдәният үзәгендә «Рус костюмы поэзиясе» дип исемләнгән күргәзмә ачылды. Анда уникаль көнкүреш әйберләре, интерьер, тукыма ясау һәм кием тегү өчен хезмәт коралларын күрергә мөмкин. Экспозицияне оештыруда Яшел Үзән, Питрәч, Тәтеш районнары музейлары, Казанның рус фольклоры үзәге, шулай ук шәхси коллекционерлар катнашты.
Күргәзмә 15-нче ноябрьгә кадәр эшләячәк.
Дәрвишләр бистәсендә йөгерү буенча чемпионат
13-нче октябрь 10.00 сәгатьтә
Дәрвишләр бистәсенең урман-парк зонасында йөгерү буенча Казан «Чаңгычылар кроссы» ачык чемпионаты узачак. Турнирда Идел буеның төрле почмакларыннан 200-дән артык спортчы катнашачак. Ярышлар 10.00 сәгатьтә башлана, катнашу өчен гаризаны алдан gfg58@bk.ru электрон почтасына җибәрергә кирәк .
Мобиль пунктта икенчел чимал җыю
13-нче октябрь көнне 11.00 сәгатьтән 13.00 сәгатькә кадәр
Казанда эшкәртүгә икенчел чимал һәм кием җыю узачак. Казанлылар кирәкмәгән әйберләрне, макулатура һәм пластикны икенчел чималны кабул итү мобиль пунктына тапшыра ала. Акциягә кушылырга теләүчеләрне икенчел чималны әзерләү буенча инструкцияне игътибар белән өйрәнергә, шулай ук эшкәртүгә нәрсә тапшырырга мөмкин, ә нәрсәне ярамый икәнлеген карарга чакыралар. Акция шәһәрнең сәүдә үзәкләренең берсендә түбәндәге адрес буенча узачак: Оренбург тракты, 174.
KazanRing Canyon автодромында сирәк машиналар күргәзмәсе
13-нче октябрь көнне 12.00 сәгатьтә
ТР башкаласы халкы һәм кунаклары KazanRing Canyon автодромында сирәк автомобильләр күргәзмәсен карый алачак. Гадәти булмаган автомобиль ияләрен күргәзмәгә катнашучылар сыйфатында кушылырга чакыралар - моның өчен түбәндәге телефон аша теркәлергә кирәк: 89991697900 (WhatsApp).
Өстәл уеннары барахолкасы
13-нче октябрь көнне 12.00 сәгатьтән 16.00 сәгатькә кадәр
Казанлыларны өстәл уеннары барахолкасына чакыралар, ул «Баклажан» антикафесында узачак. Бәяләүчеләр өчен ул иске өстәл уеннарына яңа тормыш бирү һәм үзе өчен яңа һәм кызыклы нәрсәләр табу мөмкинлеге булачак.
А.С.Пушкин исемендәге мәдәният үзәгендә Покров кичәсе
13-нче октябрь көнне 15.00 сәгатьтә
Булачак Изге Богородица Покравы бәйрәме хөрмәтенә Казанда кичә узачак, анда барлык теләүчеләр дә катнаша ала. Бәйрәм программасында - яшьләр уеннары һәм биюләр. Бәйрәм А.С.Пушкин исемендәге мәдәният үзәгендә (Карл Маркс ур., 26) узачак.
Язучы-фантаст Владимир Корчагин истәлегенә багышланган әдәби кичә
13-нче октябрь 16.00 сәгатьтә
Казанда язучы-фантаст, «Явыз рухлар елгасы сере» бестселлер авторы Владимир Корчагинны искә алу кичәсе узачак. Язучының тууына 95 ел тулуга багышланган чара Казанның Үзәк китапханәсе бинасында (Вишневский ур., 10) «Калитка» әдәби кафесында узачак.
Кичәдә Владимир Корчагинның туганнары, дуслары, хезмәттәшләре язучы турындагы хатирәләре белән уртаклашачаклар һәм аның әсәрләреннән өзекләр укыячаклар. Чакырылган кунаклар арасында - Татарстан Республикасы Президенты ярдәмчесе Олеся Балтусова, Владимир Корчагинның улы Андрей Корчагин, шагыйрьләр Алексей Остудин һәм Динә Садыйкова, язучы Владимир Морозов һәм башкалар.
Шулай ук укыгыз
-
28.07.2025, 13:17 -
28.07.2025, 13:14 -
28.07.2025, 13:11 -
28.07.2025, 10:52