Казан муниципаль берәмлеге документлар җыентыгының 15 нче номеры чыга

Электрон версиясе порталда пәнҗешәмбе көнне урнаштырылачак.

Фото: Казан шәһәре KZN.RU

(Казан шәһәре KZN.RU, 18 нче апрель). Казан шәһәре муниципаль берәмлеге хокукый актлар һәм документлар җыентыгының 2022 елның 21 нче апреленнән 15 (645) номерлы чыгарылышында Казан шәһәре Мэрының 2022 елның 24 нче мартыннан чыккан «И.Н.Новикованы «Казан шәһәре файдасына башкарган фидакарь хезмәте өчен» аерым хөрмәтләү билгесе белән бүләкләү турында»гы 44р номерлы боерыгы; Татарстан Республикасы Министрлар Кабинетының 2012 елның 8 нче апреленнән чыккан «Татарстан Республикасы дәүләт ихтыяҗлары өчен җир кишәрлеген тартып алу турында»гы 330 нчы номерлы карары; Казан шәһәре Башкарма комитетының 2022 елның 13 нче апреленнән чыккан «Енисей урамы буенча территорияне ызанлау проектын эшләп бетерү турында»гы 1088 нче номерлы карары һ.б. бик күп карарлары урнаштырылачак.

Казан шәһәре муниципаль берәмлеге Документлар һәм хокукый актлар җыентыгының архив чыгарылышларын Казанның теләсә кайсы шәһәр китапханәсендә табып була. Яңа чыгарылышны, шулай ук узган атнада чыккан санны «Горпечать» киоскларында сатып алырга мөмкин.

Басмага теләсә кайсы почта бүлеге аша (язылу индексы П2266), шулай ук «Урал-Пресс Казан» ҖЧҖ альтернатив язылу һәм китереп бирү хезмәте +7(843)204-14-93, +7(843)204-14-95, +7(843)204-16-20 телефон номеры аша язылырга мөмкин.

Җыентыкка кагылган барлык сораулар белән sbornik_kgoc@mail.ru электрон почтасына яисә +7(843)299-18-72 телефон номерына мөрәҗәгать итүегез сорала.

Шулай ук укыгыз

Барлык яңалыклар