Казанның Совет районында икенчел чимал кабул итү буенча күчмә пункт эшли башлаячак

Казанның Совет районында икенчел чимал кабул итү буенча күчмә пункт эшли башлаячак

<p> </p> <div class="detail-picture"> <img src="/upload/iblock/ec2/ec2861c7dcfdc368626a6864e5db946e.jpg"> <p class="detail-picture__caption"> Фото: Денис Гордийко </p> </div> Киләсе атнада, 24 нче февральдә, шәһәрнең Совет районында Зорге урамы, 11б йорт адресы буенча урнашкан сәүдә үзәге янында икенчел чимал кабул итү буенча күчмә пункт эшләячәк. Калдыкларны 12:00 дән 13:00 гә кадәр китерергә мөмкин. <p> </p> <p> Мәйданчык тавыш бирү нәтиҗәләре буенча сайлап алынган. Катнашучылар исемлегендә шулай ук Ямашев проспекты, 97 йорт; Краснококшайск урамы, 150/2 йорт адреслары буенча урнашкан сәүдә үзәкләре янындагы территорияләр дә булган. </p> <p> Тиздән, шәһәрлеләргә уңайлы булсын өчен, мондый пунктлар Казанның һәр районында эшли башлар дип көтелә. Аларны айның соңгы шимбәсендә оештыру планлаштырыла. </p> <p> Исегезгә төшерәбез, «Фракция» проекты алга таба эшкәртү һәм кабат куллану өчен икенчел чималны аерым җыю белән шөгыльләнә. Проектның максаты – әйләнә-тирә мохитне саклау һәм тормыш сыйфатын яхшырту. </p> <br>

2024-02-15T16:36:18+0300