Бүген Татарстан Республикасы Президенты Рөстәм Миңнеханов Казанның тарихи үзәгендә күчмә киңәшмә уздырды

Төзелеп килүче һәм реконструкцияләнә торган объектларны карап чыгуда шулай ук Казан Мэры Илсур Метшин да катнашты.

Фото: ТР Президенты матбугат хезмәте

(Казан шәһәре KZN.RU, 11-нче июль). ТР Президенты Рөстәм Миңнеханов Казанның тарихи үзәгендә төзелә һәм реконструкцияләнә торган объектларны йөреп чыкты. Күчмә киңәшмәдә шулай ук Казан Мэры Илсур Метшин да катнашты.

Беренче объект – Казан Изге Ана иконасы соборы бинасы (Большая Красная урамы, 5б). Объектта эшләр төгәлләнгән, хәзерге вакытта 21-нче июль көнне изгеләндерүгә әзерлек эшләре бара.

Аннан соң элеккеге «Крахмалпатока» заводы бинасы булды (Галиәсгар Камал урамы, 39). Инвестор-компания территориянең торак төзелеше концепциясен әзерләгән. Рөстәм Миңнехановка торак квартал төзелеше концепциясен тәкъдир иттеләр, һәм тулаем алганда, ул тәкъдим ителгән проектны уңай бәяләде. Төзелеш тарихи җирлекнең тотрыклы үсеш концепциясенә туры килер дип көтелә, ә эшләр шәһәр үзәгендәге катлар таләпләрен үтәп алып барылачак, дип ниятләнә.

Аннары ТР Президенты бертуган Кәримовлар типографиясе бинасын карады (Париж Коммунасы урамы, 20). Бина региональ әһәмияттәге мәдәни мирас объекты статусына ия. Рөстәм Миңнеханов аны куллану вариантларын, шул исәптән анда сирәк китапларны, кулъязмаларны, архив материалларын өйрәнү һәм реставрацияләү буенча фәнни үзәк урнаштыру мөмкинлеген карарга кушты.

Аннары киңәшмәдә катнашучылар ике мәйданчыкта – Г.Тукай һәм Әхтәмов урамнары киселешендә, шулай ук Һади Такташ һәм Түбән Кабан күлләре арасындагы участокларда булды. Икенчесе Г.Камал исемендәге Татар дәүләт академия театрының яңа бинасын төзү өчен сайланган. Проект Халыкара архитектура конкурсы нәтиҗәләре буенча, Татарстан архитекторлары командасында катнашу өчен мәҗбүри шарт итеп билгеләнәчәк. Хәзерге вакытта театрның булган иҗтимагый киңлекләре заманча таләпләргә туры килми. Моннан тыш, Г.Камал исемендәге театрга киңлекләр күбрәк кирәк, чөнки репетиция мәйданчыклары җитәрлек түгел, дип хәбәр итә ТР Президенты матбугат хезмәте.

Киңәшмәдә шулай ук ТР Премьер-министры Алексей Песошин, ТР Президенты Аппараты җитәкчесе Әсгать Сәфәров, ТР Президенты ярдәмчесе Олеся Балтусова, ТР Президенты ярдәмчесе Наталия Фишман-Бекмамбетова, ТР мәдәният министры Ирада Әюпова, ТР Төзелеш, архитектура һәм торак-коммуналь хуҗалык министры Марат Айзатуллин һәм башкалар катнашты.

Фоторепортаж

Видеорепортаж

Шулай ук укыгыз

Барлык яңалыклар