Илкүләм җилкән лигасының икенче этабы Казанда узачак

Илкүләм җилкән лигасының икенче этабы Казанда узачак

<p> <img src="https://www.kzn.ru/upload/iblock/a42/35_n1806357_big.jpg"><br> </p> <p> (Казан шәһәре KZN.RU, 17-нче август). 21-нче августтан 30-нчы августка кадәр Татарстан башкаласында Илкүләм җилкән лигасының VI сезонының икенче этабы узачак. Казансу акваториясендә җиңү өчен лиганың ике дивизионында 35 команда көч сынашачак. Татарстанны ярышларда «Химград-Казан» һәм Active Map Sailing командалары тәкъдим итәчәк. </p> <p> Премьер-дивизионда ярышлар 21-23 августта узачак, ачу тантанасы 21-нче августта 10.00 сәгатьтә «Казан» гаилә үзәге янында узачак. Югары дивизионда ярышлар 28-нче августта 10.00 сәгатьтә башлана һәм 30-нчы августка кадәр дәвам итәчәк. Югары дивизионның узыш көннәре дәвамында турыдан-туры трансляция алып барылачак. Ярышлар уздыруның стационар форматы тамашачыларга ярдан спортчыларны күзәтергә мөмкинлек бирәчәк. </p> <p> Илкүләм җилкәнле лига Бөтенроссия җилкәнле спорт федерациясенең иң масштаблы проекты булып тора. Бу – күп этаплы спорт ярышы, аның нәтиҗәләре буенча иң яхшы командага чемпионның күчмә кубогы тапшырыла. Ярыш нәтиҗәләре буенча иң көчле командалар Sailing Champions League һәм Nord Stream Race халыкара регатларында Россия флагы төсләрен саклаячак. </p> Ярышларның Казан этабы Бөек Җиңүнең 75 еллыгына һәм ТАССР төзелүнең 100 еллыгына багышланачак, дип хәбәр итә ТР Спорт министрлыгы матбугат хезмәте.

2020-08-17T17:50:41+0300